Ẹksọdọs 6:27 - Edo Bible (E Baibol Ẹdo) Version 1996

²⁷ Iran ọrọre emwa ne ọ tama ọba ọghe Igipt wẹẹ ne ọ fannọ ivbi Izrẹl kua.

Ẹksọdọs 6:27 ပူးပေါင်းရင်းမြစ်များ

Psalm 105:26

Ẹre rẹn na gie eguọmwadia ẹre, ighe Mosis kevbe Errọn ne irẹn zẹe.

Psalm 77:20

U su emwa ruẹn gha khian zẹvbe ọsuohuan u keghi mu iwinna iran yan Mosis kevbe Errọn obọ.

Ẹksọdọs 32:7

E Nọyaẹnmwa keghi tama e Mosis wẹẹ, “Zẹgiẹ tuorre, rhunmwuda avbe emwa ruẹn ne u viọ ke Igipt gha dee fa egbe ua nẹ, iran he mwẹ ye otọ.

Ẹksọdọs 33:1

E Nọyaẹnmwa keghi tama e Mosis wẹẹ, “Kpao vbe emwa na rre ke uwẹ kevbe emwa ne u viọ ke Igipt ladian, ne u gha rrie otọ ne I wẹ I gha mu ne Ebraham, Aizik kevbe Jekọb, kevbe uniẹn iran ẹghẹ ne I na tama iran wẹẹ, ‘I gha mu otọ na ne ivbi uniẹn uwa.’

Ẹksọdọs 6:13

Ẹ Nọyaẹnmwa keghi yi iyi ma e Mosis kevbe Errọn ne iran ya tama ivbi Izrẹl kevbe ọba Igipt wẹ te a gie iran wẹ ne iran viọ ivbi Izrẹl ke otọe Igipt ladian.

Ẹksọdọs 6:26

Nene Errọn kevbe Mosis na ọre Nọyaẹnmwa tama wẹẹ, “Viọ avbe ivbi Izrẹl ke Igipt ladian.”

Ẹksọdọs 6:28

Ẹghẹ ne Nọyaẹnmwa na gu e Mosis guan vbe otọe Igipt.

Ẹksọdọs 7:10

E Mosis kevbe Errọn keghi bu ọba, iran na ru vbene e Nọyaẹnmwa tama iran. Errọn keghi fi ọkpọ ne ọ ya tua otọ fi otọ vbe odaro ọba kevbe emwa iwinna rẹn, ọ keghi fiwerriẹ khian ẹyẹn.

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Jọsua 24:5

Ẹre I na ghi gie Mosis kevbe Errọn, I na si ọfuan nọkhua ye Igipt egbe. I keghi viọ uwa ladian.

I Samuẹl 12:6

E Samuẹl keghi rhie te ẹe wẹẹ, “E Nọyaẹnmwa ọ re ọ zẹ e Mosis kevbe Errọn, ọ na viọ avbe erha uwa odede ke otọ Igipt ladian.