Ẹksọdọs 6:23 - Edo Bible (E Baibol Ẹdo) Version 1996

²³ Errọn keghi rhie Ẹlisiẹba ne ovbi Aminadab ne ọtẹn Nasiọn rọnmwẹ; ọ keghi biẹlẹ Nadab, Abihu, Eliaza kevbe Tama nẹẹn.

Ẹksọdọs 6:23 ပူးပေါင်းရင်းမြစ်များ

I Krọnikol 2:10

Uviẹn ọghe uniẹn ni kevbe ẹgbẹe, Ram ya sẹ Jese, ọ re ọ na khin: E Ram, Aminadab, Nasiọn (ọmwa kpataki vbe ẹwae Juda.)

I Krọnikol 6:3

Amram kegha mwẹ emọ ikpia eva, ena ọ re Errọn kevbe Mosis, kevbe ọmọ okhuo ọkpa ne a tie ẹre Miriam. Errọn kegha mwẹ emọ ikpia enẹ, ena ọre Nadab, Abihu, Eliaza kevbe Itama.

Ẹksọdọs 24:1

E Nọyaẹnmwa keghi tama e Mosis nẹ wẹẹ, “Bu mwẹ gha die uhunmwu oke, ke uwẹ kevbe Errọn, e Nadab, Abihu kevbe ediọn ekigbe siyenẹ vbe ivbi Izrẹl, ne uwa ya uhunmwu rhanmwẹ otọ vbe urria, ne uwa ga mwẹ.

Ẹksọdọs 24:9

E Mosis, Errọn, e Nadab, Abihu kevbe olotu ekigbesiyenẹ vbe uwu Izrẹl keghi hin oke nii gha khian.

Ẹksọdọs 28:1

“Tama iran ne iran viọ ọtuẹn ighẹ Errọn kevbe avbe ivbi ẹre e Nadab, Abihu, Eliaza kevbe Itama ke uwu ẹbu emwa Izrẹl ladian gha dee ne iran do gha ga mwẹ zẹ vbe avbe ohẹn.

Levitikọs 10:12

E Mosis keghi khama Errọn ke ẹe kevbe ivbi ẹre eva ni dekẹe, Eliaza kevbe Itama wẹẹ, “Wa rhie ne ọ dekẹ rre vbe uwu izọhẹ ọka ọghe evbare ne a rhie gie Nọyaẹnmwa ne uwa ru ebrẹd ne ọma hue, ne uwa rri ọe vbe ọkpẹn aka rhunmwuda izọhẹ na, ne ọ huansẹ wa nọ.

Levitikọs 10:6

Ọre Mosis na tama Errọn kevbe avbe ivbi ẹre ighẹ Eliaza kevbe Itama wẹẹ, “Wa ghẹ sẹ eto uwa rae vbe ne a ma na salọ ẹe ra ne uwa yanghan ẹwu uwa ya rhie maa ighẹ te uwa rre akhiẹ. Wa gha ru vberriọ, wa gha wulo, e Nọyaẹnmwa gha vbe mu ohu emwa na hia sokpan, avbe etuẹn, kevbe avbe emwa Izrẹl hia, a fan obọ ẹre ne iran ne iran khiẹ uwu na ne ọ la ekpa erhẹn ne ọ ke obọ Nọyaẹnmwa rre.

Nọmbas 2:3

“Vbe ọlarre ovẹn vbọ, iran ni rre oka ọghe Juda vbọ ghi bu agọ vbe otu otu, vbe ototọ avbe olotu iran vbenian.” Ẹwae Olotu Inu ẹvbo ni rrọọ E Juda Nasiọn ne ovbi Aminadab Uri eha yan ovbi arriaisẹn enẹ yan ekigbesiyenẹ (74,600) Isaaka Netanẹl ne ovbi Zua Uri eva yan arriaisẹn enẹ yan ekigbe siyeha (54,400) E Zebulọn Eliab ovbi Hẹlọn ne eva yan arriaisẹn eha irrọ vbe iyeha (57,400) Ehia kegha re uri eva yan arriaisẹn iwenẹ irrọ vbe uri (186,400) Ọka ọghe Juda ọre ọ gha ke odaro.

Nọmbas 20:25

Rhie Errọn kevbe Eliaza ne ovbi ẹre khianmwu vbe Uhunmwu oke Họ.

Nọmbas 20:28

E Mosis keghi kie Errọn ẹwu ohẹn, ọ na viọ iran yọ Eliaza, evba nii ọre Errọn na wu vbe uhunmwu oke nii, e Mosis kevbe Eliaza keghi gba tuo rre.

Matiu 1:4

Ram ọre ọ biẹ Aminadab, Aminadab na biẹ Nasiọn ne ọ biẹ Salmọn.

Iyẹn ne ọ Maan Ọghe Luk 1:5

Ẹghẹ ne Hẹrọd na gha re Ọba Judia, ohẹn ne a tie ẹre Zẹkaraia kegha rrọọ vbe oka ne ọ laghe uviẹn Abija. A kegha tie eni ọvbokhan rẹn Elizahẹt, Okhuo na keghi vbe re ọmwa ne a biẹe vbe uniẹn ne a na rri ohẹn.

Jọsua 24:33

Eliaza ne ovbi Errọn keghi wu, a na re ẹre ye Gibea ne ẹvbo e Finihaz ne ovbi ẹre, ne a mu ne ẹẹn vbe ẹvbo oke ọghe Ifreim.