Ẹksọdọs 6:13 - Edo Bible (E Baibol Ẹdo) Version 1996

¹³ Ẹ Nọyaẹnmwa keghi yi iyi ma e Mosis kevbe Errọn ne iran ya tama ivbi Izrẹl kevbe ọba Igipt wẹ te a gie iran wẹ ne iran viọ ivbi Izrẹl ke otọe Igipt ladian.

Ẹksọdọs 6:13 ပူးပေါင်းရင်းမြစ်များ

Psalm 91:11

Osanobua gha rhie ruẹ ne avbe odibo ẹre rhie mwẹ, ne iran gha degue ruẹ vbe ehe ne u rhirhi a yo.

Ẹksọdọs 6:12

Sokpan e Mosis tama Nọyaẹnmwa wẹẹ, “Ugbẹn vbe a miẹn wẹ nene ivbi Izrẹl tobọ iran ma rhie ehọ mẹ ta yi, vbọzẹ ne ọba Igipt gha na rhie ehọ mẹ ta yi? Mẹ nọ, I i guara guan.”

Ẹksọdọs 6:14

E Riubẹn ne ovbi e Jekọb ne ọdiọn biẹlẹ emọ enẹ, Hanọk, Palu, Hẹzrọn kevbe Kami, ena ọre erha odede uniẹn iran.

Ẹksọdọs 6:26

Nene Errọn kevbe Mosis na ọre Nọyaẹnmwa tama wẹẹ, “Viọ avbe ivbi Izrẹl ke Igipt ladian.”

Nọmbas 27:19

U ghi rhie ẹre mudia ye odaro Eliaza ne ohẹn kevbe emwa nii hia, ne u vbe sirra iran tae ighẹ rẹn ọ re ọ ra rhie ihe ruẹ.

Nọmbas 27:23

E Mosis keghi viọ obọ yan Jọsua uhunmwu ze vbene Nọyaẹnmwa tama rẹn, ọ na ma ẹre ọmwa ne ọ rhie ihe irẹn.

Matiu 4:6

Ọ tama rẹn wẹẹ, “Deghẹ Ovbi Osanobua wẹ gele khin, ke odọ ni san fi otọ rhunmwuda a gbẹn ọẹn nẹ wẹẹ, ‘Osanobua gha yi iyi ne avbe odibo ẹre rhunmwuda ruẹ iran gha da obọ rra ruẹ, ne okuta ghẹ ya fian an owẹ.’ ”

Diuteronomi 31:14

Ẹre Nọyaẹnmwa na tama Mosis wẹẹ, “Ẹghẹ ne u ra ya vbe agbọn ma ghi mobọ tan. Tie Jọsua ne u rhie ẹre gha die uwu Owa Ukpọn, ne I miẹn ehe na vbe ta ẹmwẹ ọghe ọe ma rẹn.” Ẹre Mosis kevbe Jọsua na la uwu Owa Ukpọn,

I Timoti 1:18

E Timoti ne ovbi mwẹ, te I ka iyi na yuẹ obọ, zẹ vbe ẹmwẹ akhasẹ ne a guan ye otọ vbe ekpa ruẹ ẹghẹ nii. U ghi gie avbe ẹmwẹ nii, gha re emwi igbinna vbe obọ ruẹ, vbe u a gha gbinna igbinna esi nii khian.

I Timoti 5:21

Vbe sirra Osanobua kevbe Kristi Jesu, kevbe avbe odibo Osa ni huranrẹn, I ya imuegberriotọ tama ruẹn, ne u gha ye avbe ẹmwẹ na ru emwi vbe ne a i na zẹ ọmwa ẹkpe, ra ne a gha ghe ọmwaikọmwa ikpanro vbe uwu emwi ne u ru hia.

I Timoti 6:13

Vbe odaro Osanobua ne ọ rhie arrọọ ne emwi hia, kevbe odaro Kristi Jesu, ọmwa ne ọ vbe miẹn iyayi ẹre kue gbangbaangban vbe odaro Pọntiọs Pailet, te I yi iyi nuẹn.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

II Timoti 2:4

Ovbiyokuo ne ọ ye yo igbinna, te ọ gha ho ne ọ ru emwi ne ọ gha yẹ arowa ne ọ gbe aro ghe iran, rhunmwuda ọnii, ẹ i khian gha gbe egbe avbe emwi ne emwa kẹkan ni rre ẹvbo ru.

II Timoti 4:1

I ye ọghọ vbe ute tama ruẹn, vbe odaro Osanobua kevbe Kristi Jesu, Ọmwa ne ọ ra bu ohiẹn emwa ni rre agbọn kevbe ni wulo nẹ, rhunmwuda urremwẹ ọnrẹn kevbe Arriọba ẹre, I yi ẹre iyi nuẹn.