Ẹksọdọs 6:11 - Edo Bible (E Baibol Ẹdo) Version 1996

¹¹ “Gha khian, ya tama ọba Igipt wẹ ne ọ gie ivbi Izrẹl kpao vbe otọe ẹre rre.”

Ẹksọdọs 6:11 ပူးပေါင်းရင်းမြစ်များ

Ẹksọdọs 3:10

Banbanna nian, I ra giọ bu e ọba Igipt ne u ya viọ ivbi Izrẹl ne emwa mwẹ ke Igipt ladian.”

Ẹksọdọs 4:22

Ẹghẹ nii, u ghi tama rẹn wẹẹ, vbenian ọre Nọyaẹnmwa khare ‘Izrẹl ọrọre ovbi mwẹ ne ọdiọn.

Ẹksọdọs 4:23

I tama ruẹn ne u gie ovbi mwẹ gha khian ne ọ ya ga mwẹ sokpan u keghi he. Wanwanna nian, mẹ gha gbe ovbi uẹ ne okpia ne ọdiọn.’ ”

Ẹksọdọs 5:1

E Mosis kevbe Errọn keghi bu ọba ọghe Igipt, iran tama rẹn wẹẹ, “E Nọyaẹnmwa khare wẹẹ, ‘Gie emwa mwẹ kpao ne iran ya ru eghọ ugamwẹ mẹ vbe uwu ato.’ ”

Ẹksọdọs 5:23

Ke ne I ya bu ọba Igipt gha dee do ta uhunmwu ne u gie ima rẹ, te ọ ghi ru iran khọ, u ma ru emwi rhọkpa ne iran!”

Ẹksọdọs 6:10

Ẹre Nọyaẹnmwa na khama e Mosis wẹẹ,

Ẹksọdọs 6:29

Ọ tama rẹn wẹẹ, “Mẹ ọrọre Nọyaẹnmwa, tama ọha ọghe Igipt ẹmwẹ ne I tama ruẹn hia.”

Ẹksọdọs 7:1

E Nọyaẹnmwa keghi kha wẹẹ, “Ghe, I khian ya uwẹ ru vbene Osanobua ye ne ọba. Ọtuẹn ighẹ Errọn ghi gha guan nuẹn zẹ vbe akhasẹ ruẹ.