Ẹksọdọs 5:23 - Edo Bible (E Baibol Ẹdo) Version 1996

²³ Ke ne I ya bu ọba Igipt gha dee do ta uhunmwu ne u gie ima rẹ, te ọ ghi ru iran khọ, u ma ru emwi rhọkpa ne iran!”

Ẹksọdọs 5:23 ပူးပေါင်းရင်းမြစ်များ

Job 22:17

Avbe emwa ni he Osanobua ye otọ ọ re ena khin, iran na yayi wẹ ẹ i miẹn emwi ru iran re.

Psalm 118:26

Te Osanobua gha fiangbe ọmwa ne ọ dee vbe eni e Nọyaẹnmwa! Ma rhie afiangbe ne uẹn, ke uwu Ọgua Osa ọghe Nọyaẹnmwa gha dee.

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ẹksọdọs 6:1

Ẹre Nọyaẹnmwa na tama e Mosis wẹẹ, “U gha miẹn emwi ne I gha ru ọba re ban. I gha ya obọ ne ọ tọn muẹn ne ọ miẹn ehe na gie iran gha khian. Vbe ẹmwata I gha ru ẹe ne ọ ya obọ ẹre khulo uwa ladian hin ẹvbo ẹre rre.”

Aizaia 28:16

Vbe ne Nọyaẹnmwa ne Udazi ghi kha hẹ ọ re ọna khin nian, “I ra mu ẹyotọ ọkpa ne ọ deziẹn kevbe ne ọ wegbe ye Zaiọn. I ra vbe mu okuta ẹyotọ ọkpa ne ọ wegbe yọ, a keghi gbẹnnẹ ẹmwẹ vbenian yan rẹn, ‘Iyayi ne ọ deziẹn, te ọ vbe ziengbe.’

Jerimaia 11:21

Ivbi Anatọt te ho ne a gbe mwẹ, uan. Iran keghi tama mwẹ wẹ iran gha gbe mwẹ uan deghẹ I ye gha wewe uhunmwu ne Nọyaẹnmwa gie khian.

Iyẹn ne ọ Maan Ọghe Jọn 5:43

Ẹtin ọghe Erha mwẹ ọre I ya gha dee, sokpan wa ma rhan obọ miẹn mwẹ, sokpan ọmwa ọvbehe gha ya ẹtin obọ ẹre rre, wa gha rhan obọ miẹn rẹn.