Ẹksọdọs 5:22 - Edo Bible (E Baibol Ẹdo) Version 1996

²² E Mosis keghi dọlegbe bu e Nọyaẹnmwa, ọ na kha wẹẹ, “Vbọzẹ ne u na ru avbe emwa na khọ? Vbọzẹ ne u na gie mwẹ?

Ẹksọdọs 5:22 ပူးပေါင်းရင်းမြစ်များ

I Ọba 19:10

Rẹn keghi wanniẹn wẹẹ, “E Nọyaẹnmwa, Osanobua Oghodua, wẹ ọkpa kẹkan ọre I ga ke otọ gha dee. Sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran gbele avbe akhasẹ ruẹ hia, mẹ ọkpa ọre ọ ghi ke ẹe, iran vbe ho ne iran gbe mwẹ uan!”

I Ọba 19:4

Elaija na ye vbe khian okhian ikpẹdẹ hoho la uwu oha. Ọ keghi yakọ, ọ na tota ye ototọ irhu ọghe erhan, ọ na wẹ rẹn wu ọ re ọ ghi maa sẹ. Ọ keghi na erhunmwu wẹẹ, “Ọ sẹ mwẹ abọ nẹ Nọyaẹnmwa. Rhie orhiọn mwẹ ighẹ i wu ọ re ọ ghi maa sẹ!”

Psalm 73:25

Demwi ọvbehe ne I mwẹ vbe ẹrinmwi gberra uwẹ? Ugbẹn vbe I ghi mwẹ uwẹ nẹ, de emwi ọvbehe ne I ye ho vbe agbọn?

Ẹksọdọs 17:4

E Mosis keghi kakabọ na erhunmwu ghe Nọyaẹnmwa wẹẹ, “Vbe I a ra ru emwa na hẹ yi? Te iran ghi ra filo okuta ya gbe mwẹ uan.”

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Jerimaia 20:7

E Nọyaẹnmwa, u mu mwẹ rẹrẹ nẹ, mẹ keghi khian ne a mu rẹrẹ. U wegbe sẹ mwẹ, obọ ruẹ keghi ke ukhunmwu mẹ. Te emwa hia ghi ya mwẹ gbe ogie te iran ghi gie mwẹ ne ebi ro.

Jerimaia 4:10

Ẹghẹ nii ọ re imẹ na kha wẹẹ, “E Nọyaẹnmwa ne Udazi, uwa hiẹ ivbi e Jerusalẹm fẹẹrẹ. U te kha wẹ ọfumwegbe gha rrọọ, a rhie umozo yan iran ẹho.”

Habakọk 2:3

Gbẹnnẹ ọẹn ye otọ rhunmwuda, ọ ma he sẹ ẹghẹ ne ọ gha ya sunu. Sokpan ẹghẹ nii dee ẹgiẹgiẹ, emwi ne I mu ma ruẹn na, te ọ gha sunu. Ọ sẹtin yevbe ne okhian i kẹ ọre vbene ọ ya dee hẹ, sokpan, ziengbe diakhẹ ọre, ẹ i mwẹ ọ ma sunu, ẹ i ra vbe kpẹe.

Nọmbas 11:11

ọ keghi tama e Nọyaẹnmwa wẹẹ, “Vbu a na ru mwẹ khọ vbenian hẹ yi? De emwi ne ohu mwẹ mu ẹẹn yi? Vbọzẹ ne u na ka iran na yọ mwẹ obọ?

Jọsua 7:7

Ẹre Jọsua na kha wẹẹ, “E Nọyaẹnmwa ne Udazi! Vbọzẹ ne u na viọ ima gberra e Jọdan hiehie yi? Ne u do hẹ ima ku ivbi Amọri obọ nọ ra? Ne u do fuẹn ima an nọ ra? Vbọzẹ ne ima ma na wa tota ye obọ nọkpa ọghe Jọdan.

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.