Ẹksọdọs 40:35 - Edo Bible (E Baibol Ẹdo) Version 1996

³⁵ E Mosis ma sẹtin la uwu Owa Ukpọn nii rhunmwuda okuku ne ọ rhu uẹ yan rẹn, uyi ọghe Nọyaẹnmwa keghi vuọn rẹn.

Ẹksọdọs 40:35 ပူးပေါင်းရင်းမြစ်များ

I Ọba 8:10

Avbe ohẹn ghi wa ladian vbe Ọgua Osa nii, okuku keghi wa gba ẹre.

I Ọba 8:11

Iran ma ghi sẹtin werriegbe la rọ ya winna iwinna iran rhunmwuda uyi e Nọyaẹnmwa vuọn Ọgua Osa.

II Krọnikol 7:2

Rhunmwuda ne a wanwan ne ẹ i gia ghe na vuọn Ọgua Osa nii, avbe ohẹn ma sẹtin la rọ.

Ẹksọdọs 16:10

Ehe ne Errọn na gu avbe emwa nii guan nii, iran na gbe aro ghe odẹ ato, vbe udomwurri, awanwan ne ẹi gie a ghe nii keghi rhie egbe ma vbe okuku.

Ẹksọdọs 29:43

Evba I ra na do gha miẹn ivbi Izrẹl, uyi mwẹ ghi ya evba nii khian ne ọ huanrẹn.

Aizaia 4:5

Ẹghẹ nii, e Nọyaẹnmwa gha gie okuku amẹ vbe ẹghẹ avan, kevbe ighogho deba erhẹn ne ọ baa vbe ẹghẹ asọn gie Oke Zaiọn kevbe emwa ni si koko ye evba. Uyi ọghe Osanobua gha rhuẹ yan rẹn, ọ ghi degue ẹvbo nii hia.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 6:4

Ulamwẹ urhu iran keghi mu ẹyotọ Ọgua Osa rueghe, ighogho keghi vuọn nene Ọgua Osa tobọre.

Ezikiẹl 10:4

Uwanmwẹ ne ọ gbe ebiebi ye ọmwa aro nii, ne a ya rẹn ighe Osanobua rre evba, keghi ke ehe ne avbe aranmwẹ na ye kpao, ọ na laghe onurho Ọgua Osa, okuku nii keghi gba uwu Ọgua Osa, ẹghodo keghi vuọn ne uwanmwẹ ne wainwain.

Ezikiẹl 43:4

Uwanmwẹ ne wainwain ni keghi la onurho odẹ ahọ la uwu Ọgua Osa.

Levitikọs 16:2

Ọ keghi kha wẹẹ, “Tama Errọn ne ọtuẹn wẹ ẹghẹ ne ọ khẹ ke ọ re ọ gha ya gha fian ukpọn onurho gberra la uwu Ehe Nọhuansẹ hia, rhunmwuda evba nii ọre I na la uwu okuku rhiegbe ma vbe odukhunmwu ugue Ẹkpẹti Ile. Deghẹ ọ ma họn, a gha gbe ẹe rua.

Nọmbas 7:89

Ẹghẹikẹghẹ ne Mosis ya la uwu Owa Ukpọn Ile nii, ne ọ ya gu e Nọyaẹnmwa guan, ọ ghi họn vbe Nọyaẹnmwa a gha gu ẹe guan ke odukhunmwu ugue Ẹkpẹti Ile, ne ọ rre adesẹneva aranmwẹ eva ni zẹ ifuẹn.

Nọmbas 9:15

Vbe ẹdẹ ne a mu Owa Ukpọn Ile ni mudia, okuku ke ghi rre do degue ẹre. Vbe asọn, ọ ke yevbe erhẹn.

Arhie Maan 15:8

Ighogho ọghe uyi kevbe ẹtin Osanobua keghi wa gba Ọgua Osa nii, a ma miẹn ọmwa ne ọ sẹtin la uwu Ọgua Osa, ọ te do sẹ ẹghẹ ne ọ ya fo vbe otọ ighẹ avbe egboghogbogho nii ne avbe odibosa ihinrọn ni viọ rre.