Ẹksọdọs 40:34 - Edo Bible (E Baibol Ẹdo) Version 1996

³⁴ Okuku keghi rhu yan Owa Ukpọn nii awanwan ne ẹ i gie a ghe ọghe Nọyaẹnmwa keghi vuọn rẹn.

Ẹksọdọs 40:34 ပူးပေါင်းရင်းမြစ်များ

II Samuẹl 7:6

Ke ẹghẹ ne I ya viọ ivbi Izrẹl ke Igipt ladian gha dee, do sẹ banbanna, I ma he di Ọgua Osa ya, ehe ne I he la hia owa ukpọn ọre I dia.

II Krọnikol 7:2

Rhunmwuda ne a wanwan ne ẹ i gia ghe na vuọn Ọgua Osa nii, avbe ohẹn ma sẹtin la rọ.

Psalm 26:8

Owa ne u ye wa yẹ mwẹ Nọyaẹnmwa, ehe ne uyi ruẹ ye.

Ẹksọdọs 14:24

Ẹdẹ ghi ra gbe, e Nọyaẹnmwa keghi ke uwu orre erhẹn kevbe okuku gbe aro ghe otọ ghe avbe ivbiyokuo Igipt, ọ na fian otighi fi ọbuohiẹn iran.

Ẹksọdọs 16:10

Ehe ne Errọn na gu avbe emwa nii guan nii, iran na gbe aro ghe odẹ ato, vbe udomwurri, awanwan ne ẹi gie a ghe nii keghi rhie egbe ma vbe okuku.

Ẹksọdọs 25:8

Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Ẹksọdọs 29:43

Evba I ra na do gha miẹn ivbi Izrẹl, uyi mwẹ ghi ya evba nii khian ne ọ huanrẹn.

Ẹksọdọs 33:9

E Mosis gha ghi la uwu Owa Ukpọn nii nẹ, orre okuku ghi do mudia ye onurho Owa Ukpọn nii. E Nọyaẹnmwa ghi gha ke uwu orre okuku gu e Mosis guan.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 6:4

Ulamwẹ urhu iran keghi mu ẹyotọ Ọgua Osa rueghe, ighogho keghi vuọn nene Ọgua Osa tobọre.

Ezikiẹl 10:4

Uwanmwẹ ne ọ gbe ebiebi ye ọmwa aro nii, ne a ya rẹn ighe Osanobua rre evba, keghi ke ehe ne avbe aranmwẹ na ye kpao, ọ na laghe onurho Ọgua Osa, okuku nii keghi gba uwu Ọgua Osa, ẹghodo keghi vuọn ne uwanmwẹ ne wainwain.

Levitikọs 16:2

Ọ keghi kha wẹẹ, “Tama Errọn ne ọtuẹn wẹ ẹghẹ ne ọ khẹ ke ọ re ọ gha ya gha fian ukpọn onurho gberra la uwu Ehe Nọhuansẹ hia, rhunmwuda evba nii ọre I na la uwu okuku rhiegbe ma vbe odukhunmwu ugue Ẹkpẹti Ile. Deghẹ ọ ma họn, a gha gbe ẹe rua.

Hagai 2:7

I gha ye avbe uhunmwu ẹvbo hia uhunmwu rhu, a ghi viọ emwi ẹfe iran gha die emwa na, Ọgua Osa ghi vuọn ne emwi ẹfe.

Hagai 2:9

Ọgua Osa ne ọgbọn na gha mose sẹẹ Ọgua Osa nẹdẹ, evba ọ re imẹ gha na rhie ne emwa mwẹ wẹ ne agbọn ma iran kevbe ne iran gha rre ọfumwegbe.” Erriọ Nọyaẹnmwa ne Oghodua khare.

Nọmbas 7:89

Ẹghẹikẹghẹ ne Mosis ya la uwu Owa Ukpọn Ile nii, ne ọ ya gu e Nọyaẹnmwa guan, ọ ghi họn vbe Nọyaẹnmwa a gha gu ẹe guan ke odukhunmwu ugue Ẹkpẹti Ile, ne ọ rre adesẹneva aranmwẹ eva ni zẹ ifuẹn.

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

Arhie Maan 15:8

Ighogho ọghe uyi kevbe ẹtin Osanobua keghi wa gba Ọgua Osa nii, a ma miẹn ọmwa ne ọ sẹtin la uwu Ọgua Osa, ọ te do sẹ ẹghẹ ne ọ ya fo vbe otọ ighẹ avbe egboghogbogho nii ne avbe odibosa ihinrọn ni viọ rre.

Arhie Maan 21:3

I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.