Ẹksọdọs 40:33 - Edo Bible (E Baibol Ẹdo) Version 1996

³³ Ọ keghi mu ogba ọlẹga nii mudia lẹga Owa Ukpọn nii kevbe aka, ọ kevbe de ukpọn onurho ye onurho ọlẹga nii. Ẹre Mosis na winna iwinna nii hia fo.

Ẹksọdọs 40:33 ပူးပေါင်းရင်းမြစ်များ

I Ọba 6:14

Ẹre Solomọn na do bọ Ọgua Osa fo.

I Ọba 6:9

E Solomọn keghi bọ nene Ọgua Osa fo, ọ keghi ya ekpatako kevbe sida hie ẹre.

Ẹksọdọs 39:32

A keghi winna iwinna hia ni rre Owa Ukpọn e Nọyaẹnmwa fo. Ivbi Izrẹl keghi wa winna ehia zẹ vbene Nọyaẹnmwa tama e Mosis.

Ẹksọdọs 40:32

Iran gha la Owa Ukpọn ra te iran ra gha rrie aka, iran ghi khuẹ zẹ vbene Nọyaẹnmwa tama e Mosis.

Ẹksọdọs 40:8

U ghi mu ogba ọlẹga nii mudia ne u vbe de ukpọn onurho ye ehe ne a la la ogba ọlẹga nii.

Zẹkaraia 4:9

Ọ wẹẹ, “E Zerubabẹl gbe ẹyotọ Ọgua Osa nẹ, te ọ ra bọ ẹe fo. Ọna ghẹghi sunu, emwa mwẹ gha rẹn wẹ mẹ ọ re ọ giọ gie uwẹ bu iran gha dee.

Nọmbas 1:50

Ne u gha na te ru vberriọ, u ghi viọ avbe Livai ye ni gbe aro ghe Owa Ukpọn Ile kevbe avbe emwi ne a lo vbọ hia. Iran ọre ọ khian gha dadae ke ẹe kevbe emwi ne a lo vbọ, iran ghi gha ga vbọ, iran ghi vbe bọlọ agọ iran lẹga ẹre.

Matiu 16:8

Jesu rẹn emwi ne iran roro, ọ keghi tama iran wẹẹ, “De emwi ne uwa talọ ye ẹmwẹ ebrẹd ne uwa i mwẹ yi? a miẹn vbe iyayi uwa kanmwa hẹ!

Iyẹn ne ọ Maan Ọghe Jọn 10:9

Mẹ ọrọre onurho. Ọmwa ne ọ la ehe ne i ye la owa, a gha miẹn rẹn fan. Ọ gha la owa, ọ ghi vbe ladian, ọ gha vbe miẹn irunmwu.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iyẹn ne ọ Maan Ọghe Jọn 17:4

Mẹ rhie uyi ruẹ maa nẹ vbe agbọn: Iwinna ne u rhie mẹ, I winnaẹn fo nẹ.

Iyẹn ne ọ Maan Ọghe Jọn 4:34

Jesu tama iran wẹẹ, “Evbare mwẹ ọrọre ne I họn ẹmwẹ ọmwa ne ọ gie mwẹ uhunmwu, ne I vbe winna okhuo ne ọ fian mẹ fo.

I Kọrinti 12:12

Rhunmwuda te Kristi ye vbe egbe ọkpa ne ọ mwẹ ina ughughan, egbe ọkpa ye nọ, a gha rhe miẹn ighẹ ina ughughan ọ re ọ rrọọ.

I Kọrinti 12:28

Rhunmwuda ọnii khekherriọ, te Osanobua rhie ihe edọmwadẹ ọghọe nẹẹn vbe uwu esọsi, okaro avbe ukọ, vbe ukpo ne ogieva, avbe akhasẹ, vbe ukpo ne ogieha avbe ọmamwaemwi, vbe iyeke ọnii, iran ni winna iwinna ọyunnuan, iran ne a rhie ẹtin ne a ya sinmwi ọmwa na ghi lele ẹe, ra iran ni ye emwa ọvbehe obọ, ra ne ọ dia iran ye odẹ, ra ne iran gha ye urhu ne a ma rẹn guan.

Ẹfisọs 2:18

Vbe ekpa Jesu Kristi, ọre ima hia, ke Ju kevbe ne ẹ i re Ju, ne a sẹtin ya Orhiọn Osanobua ọkpa nii gha die odaro Evbavba.

II Timoti 4:7

I ni nẹ vbene ẹtin mwẹ sẹe, vbe nene ulẹ, I rhie nene ulẹ sẹ eke ne a vin owẹ yi nẹ, I rhie nene iyayi mwẹ nẹ.