Ẹksọdọs 40:20 - Edo Bible (E Baibol Ẹdo) Version 1996

²⁰ Ọ keghi viọ avbe uhanhan Uhi Igbe nii ọ na viọ iran ye uwu ẹkpẹti nii.

Ẹksọdọs 40:20 ပူးပေါင်းရင်းမြစ်များ

I Ọba 8:9

Te a wa ke ehe ne a mudia yi vbe ugha nọkhua bẹghe ẹre vbe odaro Ehe Ne ọ Huan Sẹẹ Ehia sokpan, a i ke ore bẹghe ẹre. Emwi ọvbehe i rre Ẹkpẹti Ile nii gberra uhanhan okuta ne a gbẹn eveva ne Mosis viọ yọ vbe Oke Sainai, ehe ne Nọyaẹnmwa na gu ivbi Izrẹl ta ile vbe iran ke Igipt dee.

I Krọnikol 15:3

E Devid keghi rhunmwuda ọnii tie ivbi Izrẹl hia gha die Jerusalẹm ne a miẹn ehe na mu Ẹkpẹti Ile gha die ehe ne a dọlọ yi ye otọ khẹ ọre.

II Krọnikol 5:10

Emwi rhọkpa ma vbe gha rre uwu Ẹkpẹti Ile nii gberra uhanhan okuta eva ne Mosis viọ yọ vbe uhunmwu oke Sainai, vbe ẹghẹ ne Nọyaẹnmwa na gu avbe ivbi Izrẹl ta ile vbe iran ke otọe Igipt dee.

Psalm 40:8

U miẹn vbe iho ruẹ ne a ru yẹ mwẹ hẹ Osanobua mwẹ! I rhie iruẹmwi ruẹn ye uwu ekhọe mwẹ.”

Ẹksọdọs 16:34

Zẹ vbene Nọyaẹnmwa yi ẹre iyi ma e Mosis, Errọn keghi muẹn ye odaro Ẹkpẹti Ile ne a miẹn ehe na gha gbe aro ghe ẹre.

Ẹksọdọs 26:34

Ya ugue gue Ẹkpẹti Ile.

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 40:19

Ọ keghi tan Owa Ukpọn nii yan ehe ne a dia nii, ọ na vbe mu emwi ne a ya gue Owa Ukpọn nii rhu ẹe, zẹ vbene Nọyaẹnmwa kha ma rẹn.

Ẹksọdọs 40:3

U ghi mu avbe uhanhan uhi igbe ye uwu ẹre ne u mu ukpọn onurho ye odaro ẹre.

Matiu 3:15

Jesu keghi tama rẹn wẹẹ, “Gie a ruẹe vbenian, ne a miẹn ehe na ru vbene Osanobua gie.” E Jọn ma ghi vbe muan rẹn.

Ebe ne Pọl gbẹẹn gie emwa Rom 10:4

Rhunmwuda, Jesu mu ẹmwẹ nene Uhi sẹ ufomwẹ nẹ, ne a miẹn ehe na miẹn wẹ ọmwaikọmwa ne ọ yayi, ọ khian ne a dọlọ kugbe ba Osanobua.

Ebe ne Pọl gbẹẹn gie emwa Rom 3:25

Te Osanobua yae ru ọmwa ẹse wẹ rhunmwuda uwu ẹre, ne irẹn do khian emwi ne a la ekpa ẹre ya orukhọ bọ emwa vbe iran a ya ẹe yi. Te Osanobua ye Kristi ru ẹse ne ọ ya ma emwa ẹre vbene irẹn ya ye emwa khian emwata vbe odaro ẹre hẹ. Vbe ẹghẹ ne ọ gberra, Osanobua keghi ziengbe, ọ ma vbe zẹ ye orukhọ ne emwa ne agbọn ru.

Diuteronomi 10:5

I keghi fi egbe werriẹ, I na tuorre vbe uhunmwu oke nii. I na viọ iran ye ẹkpẹti ne I kanrẹn nii zẹ vbene Nọyaẹnmwa tama mwẹ. Evba iran ye ke ẹghẹ nii gha dee.”

Hibru 4:16

Rhunmwuda ọnii, wa gie ima din khekherriọ, ne a gha die odaro ẹkete Osanobua, ehe ne ẹsọhẹ ye. Evba nii i ọre ima gha na miẹn itohan rhie kevbe ẹsọhẹ ne ọ gha yi ima obọ vbe ẹghẹ ne a na gualọe zẹẹ.

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.