Ẹksọdọs 40:18 - Edo Bible (E Baibol Ẹdo) Version 1996

¹⁸ E Mosis keghi mu Owa Ukpọn nii mudia, ọ keghi ru ẹzi ẹre yọ, ọ na ru edọnmwẹ ọnrẹn, ọ keghi vbe gbalọ ogba ugbugbe ẹre lele ẹe, ọ na vbe baba ọkpọ ẹre ye otọ.

Ẹksọdọs 40:18 ပူးပေါင်းရင်းမြစ်များ

II Samuẹl 7:6

Ke ẹghẹ ne I ya viọ ivbi Izrẹl ke Igipt ladian gha dee, do sẹ banbanna, I ma he di Ọgua Osa ya, ehe ne I he la hia owa ukpọn ọre I dia.

Ẹksọdọs 40:17

Rhunmwuda ọnii, vbe ikpẹdẹ nokaro ọghe ukpo nokaro vbe ọ ghi rre ukpo eva ne iran kpao vbe Igipt, a ke ghi mu Owa Ukpọn nii mudia.

Ẹksọdọs 40:19

Ọ keghi tan Owa Ukpọn nii yan ehe ne a dia nii, ọ na vbe mu emwi ne a ya gue Owa Ukpọn nii rhu ẹe, zẹ vbene Nọyaẹnmwa kha ma rẹn.

Ẹksọdọs 40:2

“Vbe ikpẹdẹ nokaro ọghe uki nokaro, u ghi mu Owa Ukpọn nii mudia, ọghe ehe ne Nọyaẹnmwa ye.

Aizaia 33:24

A i ghi vbe miẹn orhiọnkpa vbe ẹvbo ima ne ọ gha kha wẹ rẹn khuọnmwi, a gha vbe ya orukhọ hia bọ ọmwa.

Levitikọs 26:11

I gha gu uwa yin vbe uwu Owa Ukpọn mwẹ ne ọ huanrẹn, ẹmwẹ uwa i ra vbe khan mwẹ.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

I Timoti 3:15

Sokpan deghẹ I ma ghi rherhe rre, ebe na gha gie uwa rẹn vbene ọ kere ne ima gha mu egbe yi hẹ vbe uwu igiowa Osanobua, ne ọre esọsi ọghe Osanobua ne ọ rrọọ, orre kevbe okpo ọghe ẹmwata.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

Arhie Maan 21:3

I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.