Ẹksọdọs 40:12 - Edo Bible (E Baibol Ẹdo) Version 1996

¹² “U ghi rhie Errọn ke ẹe kevbe ivbi ẹre gha die onurho Owa Ukpọn ne iran khuẹ akhuẹ iruenmwi.

Ẹksọdọs 40:12 ပူးပေါင်းရင်းမြစ်များ

Ẹksọdọs 40:11

U ghi vbe nọnọ ori ye uwawa akhuẹ ne ọ rrọọ ke ẹe kevbe emwi ne a muẹn yan, erriọ u gha ya ya ẹe fiohan.

Nọmbas 8:9

U ghi tie ivbi Izrẹl hia si koko, ne u viọ avbe Livai ma iran vbe odaro Owa Ukpọn Ile.

Matiu 3:16

Ugbẹn vbe a ghi samẹn ne Jesu nẹ, vbene ọ wa ladian vbe uwu amẹ, ẹrinmwi keghi kie ye otọ, rẹn keghi miẹn Orhiọn Osanobua vbe ọ tuorre, ọ yevbe idu, ọ keghi rhuẹ yan rẹn.

Iyẹn ne ọ Maan Ọghe Luk 1:35

Odibosa ni keghi wanniẹn wẹẹ, “Orhiọn Ne Ọ Huanrẹn gha rhuẹ yan ruẹn. Ẹtin Osanobua gha hin yan ruẹn. Rhunmwuda ọnọna, a gha tie ọmọ ne ọ huanrẹn ni Ovbi Osanobua.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.