Ẹksọdọs 40:10 - Edo Bible (E Baibol Ẹdo) Version 1996

¹⁰ U ghi nọnọ ori ye aka ne a na giẹn emwi izọese kevbe avbe emwi ne a lo vbọ ehia. Vbe rriọ ọre u gha ya ya ẹe fi ohan, ọ ghi do gha re ne ọ kakabọ huan.

Ẹksọdọs 40:10 ပူးပေါင်းရင်းမြစ်များ

Ẹksọdọs 30:29

Erriọ u gha ya ye avbe emwi na hia fiohan, iran ghi do gha re ne ọ huan fo, emwi ne ọ rhirhi dekan iran gha miẹn ikuan egbe rhunmwuda uhuanmwẹ ọnrẹn.

Ẹksọdọs 40:11

U ghi vbe nọnọ ori ye uwawa akhuẹ ne ọ rrọọ ke ẹe kevbe emwi ne a muẹn yan, erriọ u gha ya ya ẹe fiohan.

Aizaia 11:2

Orhiọn e Nọyaẹnmwa gha rhie ẹwaẹn ne ẹẹn, deba irẹnmwi kevbe iguemwi ne ọ gha ya gha khaemwisẹ yan avbe emwa rẹn, rẹn gha rẹn emwi ne Nọyaẹnmwa ho ọ ghi vbe gha ya ọghọ ne ẹẹn,

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Levitikọs 8:11

Ọ keghi rhie vbe ori nii, ọ keghi sanmwẹ ọẹn igba ihinrọn yan aka kevbe emwi ne a ya ru emwi vbọ hia, deba ọkpan nọkhua kevbe emwi ne a mu ẹẹn yan, ne a miẹn ehe na ya ehia fi ohan ne Nọyaẹnmwa.

Iyẹn ne ọ Maan Ọghe Luk 1:35

Odibosa ni keghi wanniẹn wẹẹ, “Orhiọn Ne Ọ Huanrẹn gha rhuẹ yan ruẹn. Ẹtin Osanobua gha hin yan ruẹn. Rhunmwuda ọnọna, a gha tie ọmọ ne ọ huanrẹn ni Ovbi Osanobua.

Iyẹn ne ọ Maan Ọghe Jọn 17:19

Rhunmwuda iran, ọre I na ya egbe mwẹ fi ohan nuẹn, ne iran tobọ iran miẹn ehe na vbe khian ọwuẹ vbe ẹmwata.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.