Ẹksọdọs 4:31 - Edo Bible (E Baibol Ẹdo) Version 1996

³¹ Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Ẹksọdọs 4:31 ပူးပေါင်းရင်းမြစ်များ

Gẹnẹsis 17:3

Ebram keghi diguẹ mu aro rhu otọ, ẹre Osanobua na kha wẹẹ,

Gẹnẹsis 24:26

Okpia nii keghi diguẹ, ọ na ya uhunmwu rhanmwẹ otọ ne Nọyaẹnmwa.

Gẹnẹsis 29:32

E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

I Krọnikol 29:20

Ẹre Devid ghi na tama emwa ni hia wẹẹ, “Wa rho e Nọyaẹnmwa Osanobua uwa!” Emwa ni hia ni si koko ye evba keghi wa rho e Nọyaẹnmwa ne Osanobua avbe erha iran odede. Iran keghi ye uhunmwu rhanmwẹ otọ iran na ya ọghọ ne Nọyaẹnmwa kevbe ne ọba.

II Krọnikol 20:18

Ẹre Jehosiafat ne ọba na vbẹrre mu aro rhu otọ, emwa ni hia keghi vbe vbẹrre, iran na ya uhunmwu rhanmwẹ otọ ne Nọyaẹnmwa.

II Krọnikol 32:8

Ẹtin ọmwa ne agbọn kẹkan ọ re irẹn mwẹ sokpan, ma mwẹ, ẹtin ọghe Nọyaẹnmwa ne Osanobua mwẹ ne ọ gha gu ima khọn okuọ mwa.” Ẹmwẹ ne ọba iran tae na keghi rhie igiẹdu ne emwa nii.

II Krọnikol 7:3

Ugbẹn vbe ivbi Izrẹl ghi miẹn erhẹn ne ọ ke ẹrinmwi rre kevbe awanwan ne ọ vuọn Ọgua Osa, iran keghi dele viọ aro rhu otọ vbe ibare, iran ga Osanobua, iran keghi rho ẹre ye umamwẹ ọnrẹn kevbe aho ẹmwẹ ọmwa etẹbitẹ ne ọ mwẹ.

Nehimaia 8:6

Ẹzra keghi kha wẹẹ, “Wa rho e Nọyaẹnmwa, ne Osanobua nọkhua!” Emwa ni hia keghi viọ obọ da odukhunmwu, iran keghi kha wẹẹ, “Isẹ!” Iran na diguẹ gae, vbe ne iran na viọ aro rhu otọ.

Job 1:20

Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.

Ẹksọdọs 12:27

Wa ghi wanniẹn wẹẹ, ‘Izọese Alagberra ọghe Nọyaẹnmwa nọ, ọ rhie gberra owa ivbi Izrẹl vbe Igipt vbe ẹghẹ ne ọ na gbele ivbi Igipt vbene ọ na sẹ owa ima rae.’ ” Emwa nii keghi diguẹ, iran na ru ugamwẹ.

Ẹksọdọs 14:31

Ivbi Izrẹl ghi miẹn obọ ẹtin nọkhua ne Nọyaẹnmwa ya mu ivbi Igipt, iran kegha mu ohẹn e Nọyaẹnmwa, iran na mu ẹtin yan e Nọyaẹnmwa, rẹn kevbe Mosis ne ọguọmwadia ẹre.

Ẹksọdọs 19:8

Emwa nii hia keghi ya urhu ọkpa kha wẹẹ, “Ma gha ru emwi hia ne Nọyaẹnmwa tae.” E Mosis na vbe ya khama e Nọyaẹnmwa vbene emwa nii kha hẹ.

Ẹksọdọs 19:9

E Nọyaẹnmwa keghi tama e Mosis wẹẹ, “I gha la uwu okuku ne ọ mwẹ imi bu ruẹ rre, ne emwa nii miẹn ehe na họn vbe I guẹ guan ne iran gha rhie ẹmwẹ ruẹn kevbe ẹghẹ na kpao.”

Ẹksọdọs 2:25

Ọ keghi miẹn ihe ọviẹn ne ivbi Izrẹl ye, ọ na ya egbe ne iran miẹn.

Ẹksọdọs 3:16

Gha khian, ya si avbe ọkaolotu Izrẹl koko ne u tama iran wẹẹ, ‘Mẹ ne Nọyaẹnmwa, Osanobua avbe erha uwa odede, Osanobua ọghe Ebraham, Aizik kevbe Jekọb ọre ọ rhie egbe ma mwẹ, ọre ọ na wẹ ne I tama uwa wẹẹ, “Mẹ do rhuan uwa ghe, I keghi miẹn emwi hia ne ivbi Igipt ru uwa re.

Ẹksọdọs 3:18

Iran gha rhie ehọ nuẹn ta yi, u ghi bu ọba Igipt ke uwẹ kevbe avbe ọkaolotu ivbi Izrẹl, u ghi tama rẹn wẹẹ, ‘E Nọyaẹnmwa, Osanobua avbe emwa Hibru miẹn ima aro. Lahọ gie ima khian okhian ikpẹdẹ eha ghe uwu ato ne ima ya zọ ese ne Nọyaẹnmwa, Osanobua mwa.’

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Ẹksọdọs 33:10

Emwa hia ghẹ ghi miẹn orre okuku nii vbe onurho Owa Ukpọn, iran ghi kpaegbe mudia, dọmwadẹ ọghọe ghi vbokho egbe rri otọ vbe onurho Owa Ukpọn ọghọe.

Ẹksọdọs 34:8

E Mosis keghi zẹgiẹgiẹ mu egbe rriotọ, ọ na ga Osanobua.

Ẹksọdọs 4:5

E Nọyaẹnmwa keghi kha wẹẹ, “U ghi ru ọna ne ivbi Izrẹl miẹn ehe na yayi wẹ, e Nọyaẹnmwa Osanobua avbe erha iran odede, Osanobua Ebraham, Osanobua Aizik kevbe Osanobua ọghe Jekọb gele rhie egbe ma ruẹn.”

Zẹfanaia 2:7

Iran ni ghi miẹn uhunmwu vbe ivbi e Juda ọ re ọ ra mu otọe uwa gha ye, evba iran ra na gha koko emwirri iran, iran ghi vbe gha vbiẹ owa ni rre Askẹlọn. E Nọyaẹnmwa ne Osanobua iran gha yaba iran, agbọn gha vbe dọlegbe maa iran.

Iyẹn ne ọ Maan Ọghe Luk 1:68

“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.

Iyẹn ne ọ Maan Ọghe Luk 8:13

Emwiokọ ni dele ye otọ okuta mudia ye ihe iran ni họn ẹmwẹ nii, iran na ye oghọghọ miẹn rẹn, sokpan ọ ma mu iran ekhọe, iran keghi yayi vbe ẹghẹ kherhe, sokpan edanmwẹ ghi rre, ehia keghi dele.

Ebe Rut 1:6

E Naomi keghi họn wẹ e Nọyaẹnmwa ye emwa rẹn obọ, vbene ọ na gie emwiokọ maa ne iran ẹsẹse. Rẹn keghi do mu egbe ne ọ kpao vbe Moab rre ke irẹn kevbe avbe amwẹ ivbi ẹre.