Ẹksọdọs 4:24 - Edo Bible (E Baibol Ẹdo) Version 1996

²⁴ Vbe ehe ne iran na bu agọ vbe odẹ, vbe iran rrie Igipt E Nọyaẹnmwa keghi do vba e Mosis, ọ keghi te ra gbe ẹe rua.

Ẹksọdọs 4:24 ပူးပေါင်းရင်းမြစ်များ

Gẹnẹsis 17:14

Okpia ne a ma he rhuẹ, a ghi wannọẹn hin uwe ẹbu emwa rẹn rre rhunmwuda ọ ma họn ẹmwẹ mwẹ.”

Gẹnẹsis 42:27

Iran ghi sẹ ehe ne iran vbiẹre, ọkpa vbe uwu iran keghi rhan ẹkpo ẹre ne ọ rhie evbare ne ekẹtẹkẹtẹ ọre, ọ keghi miẹn igho ẹre vbe uwu ẹkpo irẹn.

I Ọba 13:24

rẹn na hin ẹnrẹn kpao. Ọ ghi sẹ odẹ, oduma keghi miẹn ọẹn, ọ na gbe ẹe rua. Ikun rẹn kegha rre adesẹ odẹ ekẹtẹkẹtẹ kevbe oduma ni keghi mudia kẹẹ.

I Krọnikol 21:16

E Devid keghi bẹghe vbe odibo Osa na mudia ye ideghedeghe keẹe kevbe umozo vbe obọ, ọ mu egbe ne ọ dunmwu e Jerusalẹm sẹ otọ. Ẹre Devid kevbe avbe olotu emwa nii ne a miẹn wẹ ukpọn akhiẹ ọ re iran hia viọ rhuan, iran hia keghi vbokho uhunmwu rriotọ, vbene ugbaro iran na dekan otọ.

Ẹksọdọs 3:18

Iran gha rhie ehọ nuẹn ta yi, u ghi bu ọba Igipt ke uwẹ kevbe avbe ọkaolotu ivbi Izrẹl, u ghi tama rẹn wẹẹ, ‘E Nọyaẹnmwa, Osanobua avbe emwa Hibru miẹn ima aro. Lahọ gie ima khian okhian ikpẹdẹ eha ghe uwu ato ne ima ya zọ ese ne Nọyaẹnmwa, Osanobua mwa.’

Hozia 13:8

I gha gu uwa gbinna zẹ vbe akpakomiza ne ọ ma ghi miẹn ivbi ẹre, I ghi yanghan uwa hẹkua. I gha yanghan uwa re ye ihọkpa nii zẹ vbe oduma, I ghi vbe yanghan uwu ukhiọnmwu khiọnmwẹ zẹ vbe aranmwẹ akọn.

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.