Ẹksọdọs 4:15 - Edo Bible (E Baibol Ẹdo) Version 1996

¹⁵ U sẹtin guẹe guan ne u vbe gha tama rẹn ẹmwẹ ne ọ gha guan. I gha ya uwa eveva obọ ne u wa sẹtin guan. I gha vbe tama uwa eva emwi ne uwa gha ru.

Ẹksọdọs 4:15 ပူးပေါင်းရင်းမြစ်များ

II Samuẹl 14:3

U ghi bu ọba gha khian ya tama rẹn emwi ne I wẹ ne u tama rẹn.” Ẹre Joab na tama rẹn ẹmwẹ ne ọ gha ta.

Psalm 25:12

Iran ni họn ẹmwẹ ne Nọyaẹnmwa, gha ruẹ emwi vbe ehe ne ọ ye odẹ ne ọ kere ne iran lele.

Psalm 51:15

Yọmwẹ obọ ne I guan Nọyaẹnmwa, mẹ gha vbe gha rho ruẹ.

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 4:12

Banbanna nian, gha khian, I gha ru iyobọ nuẹn ne u sẹtin gha guan, I gha vbe tama ruẹn ẹmwẹ ne u gha ta.”

Ẹksọdọs 4:28

E Mosis keghi tama Errọn emwi hia ne Osanobua tama rẹn vbe ẹghẹ ne ọ na gie ẹe, ne ọ werriegbe gha rrie Igipt kevbe avbe emwi ọyunnuan ne Nọyaẹnmwa wẹ ne ọ ru.

Ẹksọdọs 4:30

Errọn na ta avbe emwi ọyunnuan nii.

Aizaia 51:16

Mẹ ọ re ọ tan iso yotọ, I keghi vbe gbe ẹyotọ agbọn I tama Jerusalẹm wẹẹ, ‘Emwa mwẹ wa khin I maa uwa emwi ọghomwẹ nẹ, obọ mwẹ ọ re i ya degue uwa.’ ”

Aizaia 59:21

I rhie ẹtinmwẹ kevbe iruẹemwi mwẹ ne uwa, ne ọ gha re ọghe uwa ẹdẹdẹmwẹdẹ, ke ẹghẹ na gha rae te uwa ra gha họn ẹmwẹ mẹ, wa ghi ma ivbi uwa, kevbe ivbi uniẹn uwa ẹre ne iran gha họn ẹmwẹ mẹ ẹdẹdẹmwẹdẹ.”

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Jerimaia 36:32

Ẹre I na dọlegbe rhie ebe ohian ọvbehe, I na rhie ẹre ne Barọk ne ọgbenbe mwẹ. Ọ keghi gbẹnnẹ emwi ne I talọ ma rẹn ne ọ gbẹnnẹ yotọ. Ọ keghi gbẹnnẹ emwi hia ne ọ gha rre ebe n okaro kevbe avbe uhunmwu ọvbehe ne I vbe talọ ma rẹn ne ọ gbẹnnẹ.

Nọmbas 16:28

E Mosis keghi tama emwa nii wẹẹ, “Vbenian ọre uwa gha ya rẹn wẹ Osanobua Ọ re ọ gie mwẹ ne I do ru avbe emwi na hia, kevbe wẹ, ẹ i re ekhọe obọ mwẹ ọ re I ya ru iran.

Nọmbas 22:38

E Balam keghi wanniẹn wẹẹ, “I rre, ra I ma rre? Sokpan de ẹtin ne I mwẹ yi? Emwi ne Osanobua tama mwẹ ọkpa ọre I gha sẹtin ta.”

Nọmbas 23:12

Rẹn keghi wanniẹn wẹẹ, “Ẹmwẹ ne Nọyaẹnmwa wẹ ne I ta ọkpa ọre I sẹtin ta.”

Nọmbas 23:16

E Nọyaẹnmwa keghi do vba e Balam, ọ na tama rẹn ẹmwẹ ne ọ gha ta, ọ na gie ẹe werriegbe bu e Balak ne ọ ya tama rẹn uhunmwu ne irẹn gie.

Nọmbas 23:5

E Nọyaẹnmwa keghi gie Balam werriegbe bu e Balak gha khian ne ọ ya tama rẹn uhunmwu ne irẹn gie.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

I Kọrinti 11:23

Rhunmwuda, obọ Nọyaẹnmwa ọre I na miẹn emwi ne I ma uwa re, wẹ, Nọyaẹnmwa Jesu, vbe asọn ne a rhie ẹre maa, ọ rhie ebrẹd.

I Kọrinti 15:1

Etẹn mwẹ, I ho ni dọlegbe ye uwa ẹre rre ighẹ Iyẹn Ne ọ maa ne I kpe orhu ẹre ma uwa, ne uwa vbe rhan obọ miẹn nẹ, kevbe ne iyayi uwa mudia yan gbain.

Diuteronomi 18:18

I gha gie akhasẹ vbe ruẹ ke uwu emwa iran gie iran; I gha tama rẹn ẹmwẹ ne ọ gha ta, irẹn ghi vbe rhie iyi ne I yi hia ma iran.

Diuteronomi 5:31

Sokpan e Mosis, wẹ mudia ke mwẹ vbe emwa, I gha viọ avbe uhi ke iyi mwẹ hia ma ruẹn. Ma avbe emwa ni re, ne iran miẹn ehe na gha ya iran ru emwi vbe otọ ne I ra mu ne iran.’

I Samuẹl 16:3

Tie Jese ye izọ ese na, I gha tama ruẹn emwi ne u gha ru. Ọmwa ne I ghi tama ruẹn, u ghi ma ẹre ọba.”