Ẹksọdọs 4:14 - Edo Bible (E Baibol Ẹdo) Version 1996

¹⁴ Ohu e Mosis keghi mu e Nọyaẹnmwa, ọ na kha wẹẹ, “Ọtuẹn ighẹ Errọn ne e Livai vbo? I rẹnrẹn ighẹ ọ sẹtin guan ẹsẹse. Wa ghe vbe ọ dee do miọn nian, ẹko gha wa rhiẹnrhiẹn ọẹn vbe ọ gha miọn.

Ẹksọdọs 4:14 ပူးပေါင်းရင်းမြစ်များ

II Samuẹl 6:7

Vbe ọwarọkpa nii, ohu Uzza keghi mu e Nọyaẹnmwa, Ọ keghi gbe ẹe rua rhunmwuda, udinmwẹ amiọmwafo ọghe ọe, ẹre Uzza na wu ye evba, vbe ọkpẹn Ẹkpẹti Ile nii.

I Ọba 11:9

A gha rhe miẹn wẹ igba eva ọ re Nọyaẹnmwa Osanobua Izrẹl rhie egbe maa e Solomọn, ọ na tama rẹn wẹ ne ọ ghẹ gho ẹbọ eghọẹn, e Solomọn ma họn ẹmwẹ e Nọyaẹnmwa, sokpan ọ keghi fi iyeke gbe ẹe, rhunmwuda ọnii, ohu e Solomọn keghi mu e Nọyaẹnmwa.

I Krọnikol 21:7

Emwi ne a ru keghi sọnnọ Osanobua, ọ na rhunmwuda ọnii rri ivbi Izrẹl oya.

Psalm 105:26

Ẹre rẹn na gie eguọmwadia ẹre, ighe Mosis kevbe Errọn ne irẹn zẹe.

Ẹksọdọs 4:13

Sokpan e Mosis keghi kha wẹẹ, “Lahọ, ghẹ gui Nọyaẹnmwa, gie ọmwa ọvbehe ne ọ khọn ruẹn.”

Ẹksọdọs 4:17

Rhie ọkpọ ne a ya tua otọ khian nii mwẹ obọ, ọnii ọre u ra ya gha winna iwinna ọyunnuan.”

Ẹksọdọs 4:27

E Nọyaẹnmwa keghi khama Errọn wẹẹ, “Gha rrie uwu ato ne u ya vba Mosis.” Rẹn keghi ya vba ẹre vbe oke ne ọ huanrẹn, ugbẹn vbe ọ ghi miẹn ọẹn, ọ keghi ya unu soso ẹre unu.

Nọmbas 12:2

Iran keghi kha wẹẹ, “E Mosis ọkpa ọ re Nọyaẹnmwa gie ẹre uhunmwu rre ra? Ẹ i vbe gie ima uhunmwu rre?” E Nọyaẹnmwa keghi họn ẹmwẹ ne iran tae

Iwinna 15:28

Rhunmwuda, Orhiọn Ne Ọ Huanrẹn kevbe ima tae nẹ wẹ ne a ghẹ vbe kun ihẹ ọvbehe ne uwa gberra avbe ilele ne ọ kere na:

II Kọrinti 2:13

Sokpan, ekhọe mwẹ ma sẹ otọ hiehie, rhunmwuda ne I ma na miẹn Ọtẹn mwa ighẹ Taitọs. I keghi rhunmwuda ọnii gbe ọkhian ẹdẹ hia ne iran ni rre evba, I na gha rrie Masidonia.

Filipai 2:21

Emwa nekpa hia, ẹmwẹ ne egbe iran ọre iran rhie aro daa, ẹ i zẹdẹ re ẹmwẹ iwinna Jesu Kristi.

Jọsua 24:5

Ẹre I na ghi gie Mosis kevbe Errọn, I na si ọfuan nọkhua ye Igipt egbe. I keghi viọ uwa ladian.

I Samuẹl 12:8

E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie e Nọyaẹnmwa ne ọ do yi iran obọ, rẹn keghi gie Mosis kevbe Errọn ni viọ iran ladian vbe Igipt, iran na gbe iran ẹkun sẹ otọ vbe otọe na.

I Samuẹl 2:27

Akhasẹ ọkpa keghi do ta uhunmwu ne e Nọyaẹnmwa gie na ma Elai wẹẹ, “Ẹghẹ ne Errọn ne erha uwa odede na gha re ọviẹn vbe Igipt ọ re I na rhie egbe mwẹ ma rẹn.