Ẹksọdọs 39:7 - Edo Bible (E Baibol Ẹdo) Version 1996

⁷ Ọ na solo ẹe ginna ọza izabọ ọghe ẹwu adaghọ nii zẹ vbe ikpẹrọnmwọ ne ọ gha ye ọmwa eni ivbi Izrẹl rre zẹ vbe ne Nọyaẹnmwa tama e Mosis ne ọ ru.

Ẹksọdọs 39:7 ပူးပေါင်းရင်းမြစ်များ

Nehimaia 2:20

Mẹ keghi wanniẹn wẹẹ, “Osanobua Ẹrinmwi gha rhie arudinodẹ ne ima, eguọmwadia ẹre ma khin, te ima ra suẹn gha bọ ẹe na. Sokpan ukpe emwiewe ọkpa ma khẹ ke uwa vbe Jerusalẹm, avbe emwi arre ne a ru vbọ ma vbe kan uwa.”

Ẹksọdọs 28:12

U ghi sikan iran mu abọ ne ọ la izabọ ọghe adaghọ nii ne a ya gha ye eni ivbi Izrẹl rre. Erriọ ọre Errọn gha na gha dada eni iran khian vbe izabọ ẹre, erriọ ọre imẹ ne Nọyaẹnmwa gha na gha ye iran rre ẹghẹ hia.

Ẹksọdọs 28:29

“Errọn gha la uwu ehe ne ọ Huanrẹn nii, ọ ghi gbẹnnẹ eni ivbi Izrẹl ye uhanhan ukpọn ẹwẹe ne imẹ ne Nọyaẹnmwa miẹn ehe na gha ye iran ne emwa mwẹ rre vbe ẹghẹ hia.

Ẹksọdọs 28:7

A ghi vbe rhie okun izabọ eva ne a gha ya gha gba ẹe yọ ẹre asefẹn eveva.

Iyẹn ne ọ Maan Ọghe Mak 14:9

Ne I tama uwa nian, eheikehe ne a gha na kpe orhu iyẹn ne ọ maa na vbe uhunmwu otọ agbọn hia, a gha vbe na iyẹn emwi ne ọ ru na ne a ya gha ye ẹre rre.”

Jọsua 4:7

Wa ghi tama iran wẹ ẹghẹ ne Ẹkpẹti Ile ọghe Nọyaẹnmwa na fian Ẹzẹ Jọdan rra, amẹ ọnrẹn keghi dobọ ulẹmwẹ yi. Avbe okuta na ghi gha re ama ayere ne ivbi Izrẹl ẹdẹdẹmwẹdẹ.”