Ẹksọdọs 39:39 - Edo Bible (E Baibol Ẹdo) Version 1996

³⁹ Aka ọghe oze kevbe ọkiakia ọghe oze, avbe ọkpọ ni rrọọ, kevbe avbe emwi ne a ya ru emwi vbọ, uwawa akhuẹ ke emwi ne a muẹn yan.

Ẹksọdọs 39:39 ပူးပေါင်းရင်းမြစ်များ

I Ọba 8:64

Vbe ẹdẹ ọkpa nii, ọ keghi vbe ya ikun ne adesẹ ne ọ rre odaro Ọgua Osa fiohan, ehe ne a na giẹn vbe aka avbe aranmwẹ ne a ya zọ ese, ne a ma va, izọ ese avbe ọka, kevbe ẹvbi aranmwẹ ne a ya si isara. Aka ọghe oze ne ọ rre Ọgua Osa, ma ghi gua emwi izọese na hia.

Ẹksọdọs 27:1

“U ghi ya erhan akesia gba aka. Ọ ghi gha re umwọmwẹ vbe obọ enenẹ, ibata ihinrọn vbe ukhiọnmwẹ vbe utanmwẹ, ibata ihinrọn vbe ukhiọnmwẹ vbe uvbẹmwẹ kevbe uyomwẹ.

Ẹksọdọs 27:4

Deba ẹre, u ghi vbe ru ọkiakia yọ u ghi ru ẹgba oze ne a ya muẹn, ye igẹngẹn ọnrẹn enenẹ.

Ẹksọdọs 30:18

“U ghi dunmwu uwawa oze ne ototọ ẹre vbe re oze. U ghi muẹn ye ẹkpo Owa Ukpọn kevbe aka, u ghi sa amẹ yọ.

Ẹksọdọs 38:30

Enii ọre ọ ya ru ẹzi ye onurho owa ukpọn ehe ne Nọyaẹnmwa ye, aka ọghe oze kevbe ọkiakia oze ne ọ rrọọ kevbe emwi hia ne a lo vbe aka.

Ẹksọdọs 39:38

Aka ọghe igoru, ofigbọn ne a nọnọ yan emwa uhunmwu, eturari ne ọ winhin ẹsẹse, ukpọn onurho ne ọ rre onurho Owa Ukpọn.

Ẹksọdọs 39:40

Ukpọn onurho ni rre ogba ọlẹga ẹre, ọkpọ ni rrọọ, ẹzi ẹre. Ukpọn onurho ni rre onurho ẹre, okun ẹnrẹn, ukeke Owa Ukpọn, kevbe emwi ne a ya ru emwi vbe uwu ugamwẹ vbe Owa Ukpọn nii.