Ẹksọdọs 39:27 - Edo Bible (E Baibol Ẹdo) Version 1996

²⁷ Iran keghi sele ẹwu ne Errọn kevbe ivbi ẹre.

Ẹksọdọs 39:27 ပူးပေါင်းရင်းမြစ်များ

Ẹksọdọs 28:36

“U ghi ya igoru ne a ma gua ru emwi itegbe ọkpa, wa ghi gbẹn yọ wẹẹ, ‘Te a ya fi ohan ne Nọyaẹnmwa.’

Ẹksọdọs 39:28

Ukugba uhunmwu, ẹrhu, utalawẹ eto ovbiohuẹ.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Ezikiẹl 44:17

Iran gha la odẹ ne a la yo ẹghodo ne ọ ke uwu ẹre vbe Ọgua Osa, iran ghi yọ ukpọn eto ovbiohuẹ. Iran gha tae emwi vbe uwu Ọgua ne ọ ke uwu ẹre vbe Ọgua Osa, ọ ma kei ne iran yọ ukpọn ne a ya oru do hiehiere, ne ọfọ ghẹ miẹn ehe na fọ iran.

Ezikiẹl 44:18

Iran ghi ya ukpọn eto ovbiohuẹ gbalọ uhunmwu, iran ghi vbe yọ utalawẹ ọsotọ ọghe eto ovbiohuẹ, sokpan, iran ghẹ ya ugbẹkun gba.

Levitikọs 6:10

Ohẹn ghi yọ ẹwu eto ovbiohuẹ kevbe utalawẹ eto ovbiohuẹ, ọ ghi kpolo emuẹn ne ọ yevbe ọdan ne ọ rrọ hinrre, ọ ghi viọ ẹre ye asefẹn aka.

Levitikọs 8:13

Iyeke ọnii, e Mosis keghi viọ ivbi Errọn hia rrie odaro, ọ na viọ ẹwu yọ iran, ọ na gbalọ iran ebuluku, ọ na vbe gbalọ ẹrhu ye iran uhunmwu zẹ vbene Nọyaẹnmwa khare.

Ebe ne Pọl gbẹẹn gie emwa Rom 13:14

Sokpan wa viọ emwi igbinna ọghe Nọyaẹnmwa Jesu Kristi mwẹ obọ, wa ghẹ gie ẹmwẹ egbe orukhọ uwa mu uwa, vbe ekpa ne uwa na rhie emwi ne ọ ho nẹẹn ne ẹko vuọẹn.

Ebe ne Pọl gbẹẹn gie emwa Rom 3:22

A ya Jesu yi, ọre Osanobua rhunmwuda ẹre ya ọmwa khian ọmwata. Emwa hia ni ya Jesu yi, ọre Osanobua ru vberriọ rhunmwuda alughaẹn ne egbe i rrọọ hiehie re.

Galatia 3:27

Rhunmwuda, te a sa amẹ ne uwa ye uwu a kugbe be Kristi, rhunmwuda ọnii, te uwa ghi vbe mu akpa emwi ne ọ maa hia ọghe Kristi yọ.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.