Ẹksọdọs 38:9 - Edo Bible (E Baibol Ẹdo) Version 1996

⁹ Ọ keghi gba ogba lẹga ẹre. Ukpọn ne ọ rre odẹ ekẹn, eto ovbiohuẹ ne a mẹ ọre a ya ru ẹe, ọ keghi re ibata ekigbe siyeha vbe utanmwẹ.

Ẹksọdọs 38:9 ပူးပေါင်းရင်းမြစ်များ

I Ọba 6:36

A keghi vbe bọ ọgua ne ọ ke uwu ẹre ye odaro Ọgua Osa, a na gbe ekẹn lẹga ẹre, ekẹn na, a gha viọ okuta eha yan egbe nẹ, a ghi vbe mu ekpatako isida yan rẹn.

Psalm 100:4

Wa ye ekpọnmwẹ la onurho Ọgua Osa, wa vbe ya urhomwẹ gha rriẹ ẹguae ẹre, wa gha kpọnmwẹ ọẹn, ne uwa vbe gha rho ẹre.

Psalm 84:10

Ẹdẹ okpa ne a yae vbe Ọgua Osa ruẹ maa sẹẹ arriaisẹn ne a yae vbe ehe ọvbehe, I mudia ye onurho owa Osanobua mwẹ, ọ re ọ maa sẹẹ ne I gha rre uwu owa emwa dan.

Psalm 84:2

Ghe vbene ọ khọn mwẹ hẹ ne I gha rre evba, Ọ khọn mwẹ ẹsẹse, ne I gha rre Ọgua Osa e Nọyaẹnmwa. Ekhọe mwẹ hia ọ re I ya so ihuan oghọghọ ghe Osanobua ne ọ rrọọ.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Psalm 92:13

Te iran ye vbe erhan ne a kọ ye owa e Nọyaẹnmwa.

Ẹksọdọs 26:1

“Wa ghi ya igbu igbe ọghe eto ovbiohuẹ ne a mẹ, bọ owa ukpọn ne imẹ dia, deba eto ohuan ne raghoragho, ne ọ vboro kian an kevbe ne ọ baa. A ghi munọ ona avbe emwi nii zẹ ifuẹn ye avbe igbu ukpọn na mose mose.

Ẹksọdọs 38:10

Ọkpọ ugie ni rrọọ kevbe ẹzi iran ugiugie, oze ẹre a ya ru iran, aban ne a kan mu avbe ọkpọ ni rrọọ. kevbe avbe nene ọkpọ, esiliva ọre a ya ru ẹe.

Ẹksọdọs 40:33

Ọ keghi mu ogba ọlẹga nii mudia lẹga Owa Ukpọn nii kevbe aka, ọ kevbe de ukpọn onurho ye onurho ọlẹga nii. Ẹre Mosis na winna iwinna nii hia fo.

Ẹksọdọs 40:8

U ghi mu ogba ọlẹga nii mudia ne u vbe de ukpọn onurho ye ehe ne a la la ogba ọlẹga nii.

Nọmbas 3:26

Ukpọn ne a ya gue ibare ni lẹga Owa Ukpọn nii kevbe aka, deba ukpọn onurho ne a la la ibare. Iran ọ re a mu iwinna ni kevbe avbe emwi na hia ye ọre obọ.

Nọmbas 4:26

Ukpọn onurho kevbe okun ni rre ọlẹga Owa Ukpọn kevbe aka, ukpọn onurho ne ọ rre ehe ne a la la ọlẹga, kevbe emwi hia ne a ya tan avbe emwi na hia. Iran ọ khian gha winna iwinna hia ni dekan avbe emwi na.