Ẹksọdọs 38:30 - Edo Bible (E Baibol Ẹdo) Version 1996

³⁰ Enii ọre ọ ya ru ẹzi ye onurho owa ukpọn ehe ne Nọyaẹnmwa ye, aka ọghe oze kevbe ọkiakia oze ne ọ rrọọ kevbe emwi hia ne a lo vbe aka.

Ẹksọdọs 38:30 ပူးပေါင်းရင်းမြစ်များ

Ẹksọdọs 26:37

U ghi vbe ya erhan akesia ru ọkpọ isẹn ọghe ukpọn onurho na, a ghi ya igoru rhu ẹe, a ghi viọ aban igoru lele ẹe. U ghi ya oze ru owẹ isẹn ye avbe ọkpọ na.

Ẹksọdọs 27:10

A ghi ya ọkpọ oze ugie ne a ya oze ru odẹ owẹ ọre ke ẹe, kevbe aban kevbe irri ọghe esiliva ni rre avbe ọkpọ ni da ẹe yi.

Ẹksọdọs 27:17

“Ọkpọ ne ọ lẹga ogba nii hia, ghi gha re ne a ya esiliva de kugbe, aban ni rrọọ ghi vbe gha re ọghe esiliva, ẹzi ẹre ghi gha re oze.

Ẹksọdọs 27:2

U ghi ru ẹe ne ọ niẹn ukpẹ ladian vbe igẹngẹn ọnrẹn enenẹ. Nene avbe aka ghi wa gha re ọkpa, a ghi ya oze rhu ehia fẹẹrẹ.

Ẹksọdọs 27:4

Deba ẹre, u ghi vbe ru ọkiakia yọ u ghi ru ẹgba oze ne a ya muẹn, ye igẹngẹn ọnrẹn enenẹ.

Ẹksọdọs 38:29

Avbe oze ne a ya fi ohan ne Nọyaẹnmwa kegha re uwan arriaisẹn isẹn deba igbe yan iyisẹn eha (5,310).

Ẹksọdọs 38:31

Ẹzi avbe ogba ọlẹga ne ọ rrọọ kevbe onurho ọlẹga nii, ke avbe ukeke ne a ya so Owa Ukpọn kevbe ogba ọlẹga ẹre.