Ẹksọdọs 38:27 - Edo Bible (E Baibol Ẹdo) Version 1996

²⁷ Vbe ọghe esiliva ne ọ rrọọ, a keghi ya uwan arria isẹn ihinrọn deba iyisẹn isẹn (7,500) ru ẹzi iyisẹn ye Owa Ukpọn ne ogihinrọn nii kevbe ukpọn onurho, uwan isẹn irrọvbe iyenẹ ọre a ya ru ẹzi ọkpọkpa.

Ẹksọdọs 38:27 ပူးပေါင်းရင်းမြစ်များ

Ẹksọdọs 26:19

U ghi ru owẹ iyeva ọghe esiliva yọ ne ọ gha rre ototọ ẹre, owẹ eva ne edọnmwẹ ọkpọkpa ne ọ da orhiete eveva na yi.

Ẹksọdọs 26:21

U ghi ru edọnmwẹ ugie kevbe owẹ esiliva iyeva, eva vbe ototọ edọnmwẹ ọkpọkpa.

Ẹksọdọs 26:25

Edọnmwẹ erẹnrẹn ọre ọ khian gha rrọọ, ke ẹe kevbe owẹ esiliva enẹ irrọvbugie, eva vbe ọkpọkpa.

Ẹksọdọs 26:32

U ghi de ẹre mu ọkpọ ne a ya erhan akesia ru ne a vbe ya igoru rhu, ne a vbe viọ aban lele, ne a vbe ya owẹ esiliva enẹ mu mudia.

Ẹksọdọs 38:26

Ọna kegha re igho hia ne emwa ne a gbẹnnẹ vbe ẹghẹ ikẹvbo zẹe, dọmwadẹ ọghọe keghi ha inu igho ne a ho, zẹ vbe ne a ya mwa emwi. Inu ikpia nii rre ikpugie kevbe nii vbe sẹ ọnii kegha re ekigbe siyeha irrọ vbe arria eha yan arria isẹn eha kevbe arria isẹn vbe ihe arria eha (603,550) iran ne a ka ẹe vbe ẹghẹ ikẹvbo.

Ẹksọdọs 38:28

E Bezalẹl keghi ya uwan ekigbesiyeha ni dekẹe ru ọkpọ kevbe aban ne avbe erhan na a baba lele otọ kevbe emwi ne a ya gue iran.