Ẹksọdọs 38:26 - Edo Bible (E Baibol Ẹdo) Version 1996

²⁶ Ọna kegha re igho hia ne emwa ne a gbẹnnẹ vbe ẹghẹ ikẹvbo zẹe, dọmwadẹ ọghọe keghi ha inu igho ne a ho, zẹ vbe ne a ya mwa emwi. Inu ikpia nii rre ikpugie kevbe nii vbe sẹ ọnii kegha re ekigbe siyeha irrọ vbe arria eha yan arria isẹn eha kevbe arria isẹn vbe ihe arria eha (603,550) iran ne a ka ẹe vbe ẹghẹ ikẹvbo.

Ẹksọdọs 38:26 ပူးပေါင်းရင်းမြစ်များ

Ẹksọdọs 12:37

Ivbi Izrẹl keghi kpao vbe Ramesis rre, iran na mu aro da Sukọt. Ikpia nii ya owẹ khian kegha re arriaisẹn uri eha (600,000), vbe ne a i na ke ikhuo kevbe ibiẹka.

Ẹksọdọs 30:12

“U gha ghi ka ivbi Izrẹl ne dọmwadẹ ọghọe ghi gha ha igho uhunmwu ẹnrẹn gie imẹ ne ọkhọ ghe sunu vbe egbe iran vbe a gha ka emwa nii.

Ẹksọdọs 30:13

Emwa ne a rhirhi ka ba ẹre, te ọ gha ha inu igho ne a tie yọ, a ghi mwa rẹn zẹ vbe ne a ta ẹe ighẹ a ya mwa emwi vbe ẹvbo. Emwa hia ghi gha ha ọna zẹ vbe emwi izọhẹ gie imẹ.

Ẹksọdọs 38:27

Vbe ọghe esiliva ne ọ rrọọ, a keghi ya uwan arria isẹn ihinrọn deba iyisẹn isẹn (7,500) ru ẹzi iyisẹn ye Owa Ukpọn ne ogihinrọn nii kevbe ukpọn onurho, uwan isẹn irrọvbe iyenẹ ọre a ya ru ẹzi ọkpọkpa.

Nọmbas 1:2

“Wẹ vbe Errọn gba ka ivbi Izrẹl, ẹwae kevbe ẹgbẹe. Gbẹnnẹ eni avbe ikpia hia.

Nọmbas 1:3

Iran ni rre ukpo ugie kevbe ni vbe wan sẹ ọnii, avbe emwa hia ni gha sẹtin yo okuo.

Nọmbas 2:32

Ivbi Izrẹl ne a ghi wa ka vbe okaro na vbe otuotu kegha re igbe yan ikiọkhọe yan uri eva, ọre ọya yan arriaisẹn eha yan uri eha (603,550).

Nọmbas 26:2

“Ka ivbi Izrẹl hia fẹẹrẹ ẹgbẹe ọkpọkpa, iran ni rre ikpugie ra ni sẹ ọnii, emwa ni gha sẹtin yo okuo.”

Nọmbas 26:51

Ikpia ni rre Izrẹl hia kegha re ekigbe siyenẹ irrọ vbe uri enẹ yan arriaisẹn ọkpa yan uri eha (601,730).

Matiu 17:24

Ugbẹn vbe Jesu kevbe avbe erhuanegbe ẹre ghi sẹ Kapaniọn, iran ni koko igho Ọgua Osa keghi bu Pita gha dee, iran nọ ẹnrẹn wẹẹ “Arowa uwa zẹ igho Ọgua Osa yi?”