Ẹksọdọs 38:25 - Edo Bible (E Baibol Ẹdo) Version 1996

²⁵ Esiliva ni ke obọ emwa ne a ka ẹe rre, keghi sẹ uwan ekigbe siyeha irrọvbe arriaeha yan arria isẹn ihinrọn (7,550) zẹ vbene a ya mwa emwi.

Ẹksọdọs 38:25 ပူးပေါင်းရင်းမြစ်များ

Ẹksọdọs 30:11

E Nọyaẹnmwa keghi tama e Mosis wẹẹ,

Ẹksọdọs 30:12

“U gha ghi ka ivbi Izrẹl ne dọmwadẹ ọghọe ghi gha ha igho uhunmwu ẹnrẹn gie imẹ ne ọkhọ ghe sunu vbe egbe iran vbe a gha ka emwa nii.

Ẹksọdọs 30:16

U ghi miẹn ivbi Izrẹl igho na, ne u gha lo ẹre ye iwinna ne a winna vbe Owa Ukpọn ne a ya rẹn ighẹ I rre evba. Ọna ghi gha ya mwẹ ye ẹmwẹ ivbi Izrẹl rre, ọ ghi gha re igho ne uwa ha ye uhunmwu uwa.”

Nọmbas 1:2

“Wẹ vbe Errọn gba ka ivbi Izrẹl, ẹwae kevbe ẹgbẹe. Gbẹnnẹ eni avbe ikpia hia.

Nọmbas 26:2

“Ka ivbi Izrẹl hia fẹẹrẹ ẹgbẹe ọkpọkpa, iran ni rre ikpugie ra ni sẹ ọnii, emwa ni gha sẹtin yo okuo.”