Ẹksọdọs 38:17 - Edo Bible (E Baibol Ẹdo) Version 1996

¹⁷ Ẹzi avbe ọkpọ ni rrọọ keghi re ne a ya oze ru, erhan ni rrọọ kevbe emwi ne a ya gue ẹre uhunmwu, a ke ghi ya aban esiliva dele ehia kugbe.

Ẹksọdọs 38:17 ပူးပေါင်းရင်းမြစ်များ

I Ọba 7:16

Ọ keghi vbe dunmwu, egbaha eva ne ọkpọkpa na re ibata ihinrọn vbe ukhiọnmwẹ ne a viọ iran rrọ ye uhunmwu orre nii.

Ẹksọdọs 27:10

A ghi ya ọkpọ oze ugie ne a ya oze ru odẹ owẹ ọre ke ẹe, kevbe aban kevbe irri ọghe esiliva ni rre avbe ọkpọ ni da ẹe yi.

Ẹksọdọs 38:16

Ukpọn onurho ni lẹga ogba ọlẹga nii keghi re ne a ya eto ovbiohuẹ ne a mẹ do.

Ẹksọdọs 38:18

Ukpọn onurho ne a rhie ye onurho ogba ọlẹga nii, ne a do emwi lele ya munọ ona yi, eto ohuan ne raghoragho, ne ọ vboro rhan-an kevbe ne ọ baa, ke eto ovbiohuẹ ne vbukhẹẹ ne a mẹ ọre a ya rru iran. Ọ kegha re ọkpọ igbe vbe utanmwẹ, ọkpọ eva vbe ukhiọnmwẹ vbe uyomwẹ, zẹ vbe ukpọn onurho ọghe ogba ọlẹga nii.

Nọmbas 3:36

Iran na ọ re a mu iwinna ne ọ dekan edọnmwẹ Owa Ukpọn na, kevbe avbe Ogba ni rrọ, kevbe ọkpọ, ẹzi ẹre kevbe emwi ne a yọyọ lele ẹe kevbe iwinna ni ghi rre egbe emwi na hia.

Nọmbas 4:32

deba ọkpọ, ẹzi ogba kevbe okun ọghe ọlẹga Owa Ukpọn nii, kevbe emwi hia ne a ghi ya mu ẹẹn mudia, a ghi ya eni dọmwadẹ ọghe ọe gha emwi ne ọ gha mu nẹ.