Ẹksọdọs 38:1 - Edo Bible (E Baibol Ẹdo) Version 1996

¹ Ọ keghi ya erhan akesia ru aka ne a na giẹn emwi izọhẹ. Ọ kegha re abọkpa vbe igienenẹ, ibata ihinrọn vbe ukhiọnmwẹ vbe utanmwẹ, ibata ihinrọn vbe ukhiọnmwẹ vbe uvbẹmwẹ, kevbe ibata enẹ vbe ukhiọnmwẹ vbe uyomwẹ.

Ẹksọdọs 38:1 ပူးပေါင်းရင်းမြစ်များ

II Krọnikol 1:5

Aka oze ne Bezalẹl ne ovbi Uri kevbe eyẹ Họ ru, kevbe gha rre Gibiọn vbe odaro Owa Ukpọn ne a ya rẹn wẹ e Nọyaẹnmwa rre evba. E Solomọn ne Ọba kevbe avbe emwa nii keghi ru ugamwẹ e Nọyaẹnmwa vbe evba.

II Krọnikol 4:1

E Solomọn ne Ọba keghi ru Ogiukpo oze, ọ kegha re ibata ọgban vbe igienẹnẹ, uyomwẹ ọnrẹn kegha re ibata ekesugie.

Ẹksọdọs 25:5

Ohian ogho, ne a ya ẹmu ne o baa mu, ohian ẹmila ne vbukhẹẹ, ẹkpo umẹ.

Ẹksọdọs 30:17

E Nọyaẹnmwa keghi tama e Mosis wẹẹ,

Ẹksọdọs 31:9

Aka ne a na giẹn izọhẹ ne a ye erhẹn giẹn kevbe emwi ni lele ẹe khian, uwawa kevbe emwi ne a muẹn yan.

Ẹksọdọs 38:2

Ọ keghi vbe ru ehe ne ọ na zẹ ukpẹ ye igienenẹ ọnrẹn vbene iran na gha re ọkpa yaba aka nii. Ọ keghi ya oze rhu ehia.

Ẹksọdọs 40:29

Ọ keghi mu aka ne a na giẹn emwi izọese ye onurho Owa Ukpọn nii. Ọ keghi ya emwi izọese ne a wa giẹn uan zọ ese vbe uhunmwu ẹnrẹn, kevbe evbare ne a ya zẹ ọhẹ zẹ vbene Nọyaẹnmwa tama rẹn.

Ẹksọdọs 40:6

Mu aka ne a na giẹn emwi ne a ya zọ ese ye odaro Owa Ukpọn nii.

Iyẹn ne ọ Maan Ọghe Jọn 6:37

Emwa hia ne Erha mwẹ viọ mẹ gha bu mwẹ rre. Ọmwaikọmwa ne ọ bu mwẹ rre, mẹ i ra khuẹe werriegbe.

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Hibru 13:10

Avbe ohẹn ni ga vbe uwu Ọgua ukpọn ọghe avbe Ju, i mwẹ asẹ ne iran gha ya re vbe emwi ne a ya zọ ese vbe aka ọghomwa.

Hibru 13:8

Jesu Kristi ọkpa ne ọ rrọọ nodẹ, ọre ọ rrọọ ẹre na, rẹn ọre ọ khian vbe gha rrọọ akhuẹ kevbe ẹdẹdẹmwẹdẹ.

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

Arhie Maan 21:16

Nene ẹvbo kegha re umwọmwẹ vbe igie enenẹ, utanmwẹ kevbe uvbẹmwẹ, odibosa nii keghi ye ọkpọ ne ọ ya mwa emwi mwa ẹvbo nii, ọ kegha re ibiriki arriaisẹn ekesugie (15,000), uvbẹmwẹ ọnrẹn, utanmwẹ ọnrẹn kevbe uyomwẹ ọnrẹn kegha re ọkpa.