Ẹksọdọs 37:9 - Edo Bible (E Baibol Ẹdo) Version 1996

⁹ Avbe emwi nii zẹlẹ ifuẹn nii keghi rhan ifuẹn iran ghe odukhunmwu vbene iran gha na degue ẹkpẹti nii. Iran keghi mu aro da egbe, iran kegha ghe ugue ẹkpẹti nii.

Ẹksọdọs 37:9 ပူးပေါင်းရင်းမြစ်များ

Gẹnẹsis 28:12

Ọ keghi mina wẹ, rẹn miẹn ikpawẹ ọkpa ne ọ ke otọ ya sẹ iso, avbe odibo Osanobua kegha hin ẹnrẹn, iran na vbe gha tuorre.

Gẹnẹsis 3:24

Vbe odẹ ahọ ọghe ogba nii, rẹn keghi viọ emwi ne a yi ni ma he wu eso yọ, ke iran ke umozo ne erhẹn ne ọ baa ne ọ vbe gbe lẹga egbe hia. Wẹẹ ne iran ghẹ gie ọmwarhọkpa sikẹ erhan arrọọ nii.

I Ọba 6:27

Te a viọ iran ke egbe vbe ughugha Ne ọ Huan Sẹẹ Ehia vbene ukpẹ ifuẹn ne iran rhan ran an gha na dekan egbe vbe adesẹneva ughugha nii, ifuẹn ne eva ni dekẹe ghi vbe sẹ egbekẹn.

Ẹksọdọs 25:20

Avbe emwi nii zẹ ifuẹn nii ghi viọ aro da egbe. Ifuẹn ne iran rhanrẹn ghi degue ẹkpẹti nii.

Ẹksọdọs 37:10

Ọ keghi ya erhan akesia ru eteburu ne ọ rrọọ, ọ kegha re akhuẹn obọ enẹ irrọvbiyeva vbe utanmwẹ ọnrẹn, eva irrọvbugie vbe uvbẹmwẹ ọnrẹn kevbe akhuẹn obọ ehairrọvbọgban vbe uyomwẹ.

Ẹksọdọs 37:8

Ọkpa vbe okhiẹ ọkpọkpa. Ọ keghi ru ẹe vbe ne iran vbe ugue nii na wa gha re ọkpa.

Aizaia 6:2

Emwi ne a yii ni baa gidigidi vbe erhẹn keghi mudia lẹga ẹre, ọkpọkpa vbe uwu iran keghi mwẹ ifuẹn ehan. Ọkpọkpa vbe uwu emwi ne a yii nii keghi ya ifuẹn eva gue aro, ọ keghi ya eva gue owẹ, ọ keghi gha ya eva ni dekẹe tin.

Iyẹn ne ọ Maan Ọghe Jọn 1:51

Ọ keghi tama iran wẹẹ, “Ẹmwata ọre I tama uwa, wa gha miẹn vbe ẹrinmwi a kie ye otọ kevbe avbe odibo Osanobua ghi gha hin odukhunmwu, iran ghi vbe gha tuorre yan Ovbi Ọmwa.”

II Kọrinti 3:18

Ma hia fẹẹrẹ khekherriọ, ọre ọ rhie uyi Nọyaẹnmwa maa vbe aro ne a ma rhie emwi gue. Nene uyi ọkpa nii, ghi ke ehe ne Nọyaẹnmwa, ne ọre nene Orhiọn ye rre, do fi ima werriẹ khian vbene irẹn ye, vbe uyi ne ọ kpọlọ sẹ ọna ẹsẹse.

Ẹfisọs 3:10

Ne a miẹn ehe na miẹn wẹ, ọ gha ghi sẹ ẹghẹ na, avbe ọdakha, odibosa, kevbe avbe ẹtin ni rre ẹrinmwi, ghi la ekpa esọsi do rẹn ẹwaẹn Osanobua vbe dọmwadẹ ihe ne ọ wa egbe yi.

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.