Ẹksọdọs 37:25 - Edo Bible (E Baibol Ẹdo) Version 1996

²⁵ Ọ keghi ya erhan akesia ru aka ne a na giẹn eturari. Umwọmwẹ nọ vbe igienenẹ, akhuẹn obọ eva irrọvbugie vbe utanmwẹ, akhuẹn obọ eva irrọvbugie vbe uvbẹmwẹ, akhuẹn obọ eha yan ọgban vbe uyomwẹ. Ehe ne ọ na vbẹ ladian keghi ye gha re ọkpa ba ọkpa ba ẹre.

Ẹksọdọs 37:25 ပူးပေါင်းရင်းမြစ်များ

II Krọnikol 26:16

Sokpan, ugbẹn vbe Uzaia ne ọba ghi re ọmwa ne ọ wegbe nẹ, ọ keghi do gha hio, ọnii ọ re ọ si udemwẹ ọnrẹn. Ọ keghi yagha e Nọyaẹnmwa ne Osanobua ẹre vbene ọ na gha rrie Ọgua Osa ya gha giẹn eturari vbe Ogiukpo eturari.

Ẹksọdọs 31:8

Eteburu kevbe emwi ne a viọ ke ẹe, erhan ọmukpa ọghe igoru ne a ma gua, kevbe emwi ne a viọ lele ẹe, aka ne a na giẹn eturari.

Ẹksọdọs 35:15

Aka ne a na giẹn eturari kevbe ọkpọ ni rrọọ. Ofigbọn ne a nọnọ ye emwa uhunmwu, eturari ne ọ winhin, kevbe ukpọn onurho ne ọ rre onurho Owa Ukpọn ne a dia.

Ẹksọdọs 37:24

Uwan isẹn irrọvbiyene ọghe igoru ne a ma gua ọre ọ loro ya ru erhan ọmukpa nii ke emwi nii lele ẹe khian.

Ẹksọdọs 37:26

Ọ keghi ya igoru ne ama gua rhu odukhunmwu ẹnrẹn vbe igienenẹ, ọ na ya avbe igoru gbe oroka lẹga ẹre.

Ẹksọdọs 40:5

Mu aka igoru ne a na giẹn eturari ye odaro ẹkpẹti ne avbe uhanhan uhi igbe ye ne u vbe de ukpọn onurho ye onurho Owa Ukpọn nii.

Matiu 23:19

Wa ma miẹn vbe ne uwa rhu aro hẹ. De ne ọ kpọlọ sẹẹ, emwi imuohan, ra Ogiukpo ne ọ ya emwi imuohan khian ni huanrẹn?

Hibru 13:10

Avbe ohẹn ni ga vbe uwu Ọgua ukpọn ọghe avbe Ju, i mwẹ asẹ ne iran gha ya re vbe emwi ne a ya zọ ese vbe aka ọghomwa.

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.