Ẹksọdọs 37:23 - Edo Bible (E Baibol Ẹdo) Version 1996

²³ Ọ keghi ru ukpa ihinrọn ọghe erhan ọmukpa nii, ọ keghi ya igoru ne ama gua ru ọkpan nọ vbe gha re na zẹ ọre ukpẹ.

Ẹksọdọs 37:23 ပူးပေါင်းရင်းမြစ်များ

Ẹksọdọs 25:37

Ru ukpa ihinrọn viọ ye erhan ọmukpa nii, u ghi mwamwa ẹn yọ vbene iran gha na gha rhie awanwan iran ghe odaro.

Ẹksọdọs 25:38

“U ghi ya igoru ne ama gua ru uyẹngbe ẹre kevbe emwi ne a ya dọlọ ukpa yi ne ọ rrọọ.

Ẹksọdọs 37:22

Ukhu ẹre kevbe avbe abọ ẹre keghi wa gha re ọkpa ba erhan ọmukpa, ohoho igoru ne a ma gua ne a ya umọmọ dunmwu ọre a ya ru ẹe.

Ẹksọdọs 37:24

Uwan isẹn irrọvbiyene ọghe igoru ne a ma gua ọre ọ loro ya ru erhan ọmukpa nii ke emwi nii lele ẹe khian.

Zẹkaraia 4:2

Rẹn keghi nọ mwẹ wẹẹ, “De emwi ne u bẹghe yi?” Mẹ keghi wanniẹn wẹẹ, “Erhan ne a mu ukpa yan ne a ye igoru ru. Ọkpan ne a sa ofigbọn yi rre odukhunmwu ẹnrẹn. Ukpa ihinrọn rre uhunmwu ọmukpa na, ukpa ọkpọkpa mwẹ uvun ihinrọn ne a rhie oru la.

Nọmbas 8:2

“Tama Errọn wẹ ọ gha viọ avbe ukpa ihinrọn yan uhunmwu erhan ọmukpa, ọ ghi viọ ẹre yọ vbe ne awanwan rẹn gha na la ghe odaro.”

Arhie Maan 1:12

Me keghi khiẹn akhọe ya ghe ọmwa ne ọ gun mwẹ guan. I keghi ya bẹghe erhan ọmukpa igoru ihinrọn.

Arhie Maan 1:20

Ọnọna ọrọre oro emwi ne a yae kha ighẹ orhọnmwẹ ihinrọn, ne u bẹghe vbe obọ erha ọmwa mwẹ, ke ẹe kevbe avbe erhan ọmukpa igoru ihinrọn nii, avbe orhọnmwẹ ihinrọn ni, ọrọre avbe odibosa avbe esọsi ihinrọn nii, avbe erhan ọmukpa ọrọre avbe esọsi ihinrọn nii.

Arhie Maan 4:5

Awanwan avan nukhunmwu kegha yanyan ladian ke uwu ẹkete nii rre, deba owogho kevbe avan nukhunmwu ni vannọ yan egbe. Ukpekhọe ne a rhu, kegha baa vbe odaro ẹkete nii, ena keghi re orhiọn ihinrọn ọghe Osanobua.

Arhie Maan 5:5

Ẹghẹ nii ọre ọkpa vbe uwu avbe ediọn nii na khama mwẹ wẹ, “Ghẹ ghi viẹ! Ghe oduma ne ọ ke uniẹn Juda rre, ọmọ nọkhua ne ovbi uniẹn Devid, khọn miotọ nẹ, ọ gha rhan emwi ne a ya gha ẹe ihinrọn nii, ọ ghi vbe rhan ebe nii, ne a kiri.”