Ẹksọdọs 37:17 - Edo Bible (E Baibol Ẹdo) Version 1996

¹⁷ Ọ keghi ya igoru ne a ma gua ru erhan ọmukpa, ọ keghi ya igoru ne a ya umọmọ dunmwu ru ẹzi ẹre kevbe erhan rẹn. Avbe obobo ne a ya te ẹre kevbe ukpu kevbe ebe obobo, keghi wa gha re ọkpa deba ẹre.

Ẹksọdọs 37:17 ပူးပေါင်းရင်းမြစ်များ

I Krọnikol 28:15

Ne a gha ya ru ukpa kevbe avbe erhan ọmukpa.

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

Ẹksọdọs 31:8

Eteburu kevbe emwi ne a viọ ke ẹe, erhan ọmukpa ọghe igoru ne a ma gua, kevbe emwi ne a viọ lele ẹe, aka ne a na giẹn eturari.

Ẹksọdọs 37:16

Ọ keghi vbe ya igoru ne a ma gua ru avbe ọkpan viọ ye eteburu nii, deba avbe ukpu, uru kevbe ọkpan nekhua ne a ya gha ru izọhẹ emwi ne a wọn.

Ẹksọdọs 37:18

Abọ ehan ọre ọ si ke ugbefẹn ọnrẹn ladian, eveva vbe obọ ọkpọkpa.

Levitikọs 24:4

Errọn ghi gha gbe aro ghe avbe ukpa ni rre uhunmwu erhan ọmukpa ọghe igoru na a ma gua, ọ ghi miẹn wẹ ọ wa baa ẹghẹ hia vbe odaro e Nọyaẹnmwa.

Zẹkaraia 4:11

Mẹ keghi nọ wẹẹ, “De emwi ne avbe erhan oliv ni rre obọ eveva ọghe erhan ọmukpa ni mudia yi?

Zẹkaraia 4:2

Rẹn keghi nọ mwẹ wẹẹ, “De emwi ne u bẹghe yi?” Mẹ keghi wanniẹn wẹẹ, “Erhan ne a mu ukpa yan ne a ye igoru ru. Ọkpan ne a sa ofigbọn yi rre odukhunmwu ẹnrẹn. Ukpa ihinrọn rre uhunmwu ọmukpa na, ukpa ọkpọkpa mwẹ uvun ihinrọn ne a rhie oru la.

Nọmbas 8:4

Igoru ne a ya umọmọ dunmwu ọre a ya ru ẹe ke otọ ya sẹ ukhunmwu vbene ọ ye ighẹ ne Nọyaẹnmwa mu ma Mosis.

Matiu 5:15

A i ra rhukpa nẹ ne a ya ọkpan rhuẹe ginna otọ, erhan ọmukpa ọre a mu ẹn yan ne emwa ni rre owa hia miẹn ehe na yae gha bẹghe odẹ.

Filipai 2:15

Ne uwa sẹtin gha re ne ẹ i mwẹ abe kevbe ne ọ huanrẹn, zẹ vbe ivbi Osanobua ne ọ gba na fo vbe agbọn ọ kẹkẹe kevbe ẹwobi emwa na. Wa gha fi wainwain vbe uwu ẹbu iran zẹ vbe orhọnmwẹ ne ọ rhie uwanmwẹ ne iso, zẹ vbene uwa na ta ẹmwẹ arrọọ ma iran.

Hibru 9:2

Iran keghi gbe Ọgua ukpọn, ne ọ ke ore vbọ, a kegha tie ẹre Ehe Ne ọ Huanrẹn. Emwi ne ọ rre emwa kegha re, ukpa, eteburu kevbe ebrẹd ne a ya fi ohan ne Osanobua.

Arhie Maan 1:12

Me keghi khiẹn akhọe ya ghe ọmwa ne ọ gun mwẹ guan. I keghi ya bẹghe erhan ọmukpa igoru ihinrọn.