Ẹksọdọs 36:5 - Edo Bible (E Baibol Ẹdo) Version 1996

⁵ Iran tama e Mosis wẹẹ, “Emwi ne emwa nii viọ rre bun gbe, ọ sẹẹ emwi ne a gha ya winna iwinna ne Nọyaẹnmwa wẹ ne a winna.”

Ẹksọdọs 36:5 ပူးပေါင်းရင်းမြစ်များ

II Krọnikol 24:14

Iwinna ghi fo nẹ, iran keghi viọ avbe igoru kevbe esiliva ni dekẹe ne ọba kevbe Jehoiada, iran keghi ya ẹe dọlọ avbe ọkpan kevbe avbe emwi ne a ya le evbare ọvbehe ye Ọgua Osa. Vbe ẹghẹ ne Jehoiada ya gha rre agbọn, te a gha zọ ese ye ẹghẹ vbe ne ọ kei yi vbe Ọgua Osa,

Ẹksọdọs 32:3

Ẹre emwa nii hia na koko emwi ehọ igoru iran, iran na hẹ ehia gie Errọn.

Ẹksọdọs 36:4

Ẹre iran ni fuẹro nii, ni winna vbe iwinna ọghe owa ne ọ huanrẹn ne a bọ nii, keghi sẹ iwinna edọmwadẹ ọghọe rae, iran na gha dee.

Ẹksọdọs 36:6

Ẹre Mosis ghi na wẹ ne a ta ẹe gba agọ hia wẹẹ, “Omwa rhọkpa, ọre okpia ra okhuo nọ, ghẹ ghi viọ emwi rre ne a ya bọ owa ne ọ huanrẹn nii.” Ọna ọre ọ ghi ye emwa nii da obọ emwi ne a viọ rre yi.

Filipai 2:21

Emwa nekpa hia, ẹmwẹ ne egbe iran ọre iran rhie aro daa, ẹ i zẹdẹ re ẹmwẹ iwinna Jesu Kristi.