Ẹksọdọs 36:1 - Edo Bible (E Baibol Ẹdo) Version 1996

¹ “E Bezalẹl, Oholiab kevbe emwa ifuẹro hia ne Nọyaẹnmwa rhie irẹnmwi kevbe ẹwaẹn na, ni vbe rẹn emwi hia ne a gha ya bọ ehe ne ne ọ huanrẹn nii, iran ghi ru emwi hia zẹ vbene Nọyaẹnmwa ta ẹe.”

Ẹksọdọs 36:1 ပူးပေါင်းရင်းမြစ်များ

I Ọba 7:14

Erha ẹe wu nẹ sokpan ovbi ẹvbo ne a tie ẹre Taia ne ọ vbe fuẹro oze ne a dunmwu na, vbe gha nọ, ovbi uniẹn e Naftali ọ re iye ẹe gha khin. E Huram kegha re owinna ne ọ rẹnmwi kevbe ne ọ fuẹro ẹsẹse. Ọ keghi kue yọ vbe Solomọn tama rẹn ne ọ gha gbearoghe iwinna ne a ra ye oze winna hia.

I Krọnikol 2:20

Ovbi e Họ ne okpia kegha re Uri, eyẹ ọre kegha re Bazalẹl.

I Krọnikol 28:21

A wa iwinna ne avbe ohẹn kevbe avbe Livai gha winna vbe Ọgua Osa ne iran nẹ. Emwa iwinna ni gue ona ughughan, mu egbe ne iran yuẹ obọ, avbe emwa nii hia kevbe avbe ekaolotu iran rre evba ne u lo iran vbene ọ khọn ruẹn.”

Psalm 119:6

A deghẹ I rhie ekhọe lele uhi ruẹ hia, ẹghẹ ni a i ghi ra fa mwẹ uan.

Ẹksọdọs 12:28

Ivbi Izrẹl kegha khian ya ru zẹ vbene a khare. Iran keghi ru zẹ vbene Nọyaẹnmwa tama e Mosis kevbe Errọn.

Ẹksọdọs 25:8

Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Ẹksọdọs 28:3

Tama emwa ifuẹro hia ni guẹ ona, iran hia ne I ya ẹe wẹ, ne iran sẹ ẹwu Errọn ne a miẹn ehe na ya ẹe fi ohan ne ọ gha ga mwẹ zẹ vbe ohẹn.

Ẹksọdọs 31:11

Ofigbọn ne a nọnọ ye emwa uhunmwu kevbe eturari ne ọ winhin ọghe esi nii ne a viọ ye ehe ne ọ huanrẹn. Iran gha ru avbe emwi na hia, vbene 1 tama ruẹn zẹe ọre iran ru ẹe.

Ẹksọdọs 36:2

E Mosis keghi tie Bezalẹl, Oholiab kevbe emwa ifuẹro hia ne Nọyaẹnmwa rhie ẹtin na, kevbe emwa hia ni mu egbe ne iran ya ru iyobọ, ọ tama iran wẹ ne iran suẹn iwinna.

Ẹksọdọs 38:23

Ọmwa ne ọ gha yi ẹre obọ, Oholiab ne ovbi Ahisamak ne uniẹn Dan, kegha re ọmwa ne ọ sa emwi ye ama, ne ọmwa emwi, ne ọ do eto ohuan ne raghoragho, ne ọ vboro rhan-an, kevbe ne ọ baa, kevbe eto ovbiohuẹ ne vbukhẹẹ.

Ẹksọdọs 39:1

Eto ohuan ne raghoragho kevbe ne ọ vboro rhan-an, kevbe ne ọ baa ọre a ya sele ẹwu ne mose mose ne avbe ohẹn lo vbe iran a gha ru emwi vbe uwu ehe ne ọ huanrẹn. Iran keghi se ẹwu iwinna ohẹn ne Errọn zẹ vbene Nọyaẹnmwa tama e Mosis.

Nọmbas 7:9

Sokpan e Mosis ma viọ okotọ kevbe ẹkhuia ẹmila ne avbe Kohat rhunmwuda izabọ iran ya he avbe emwi nihuanrẹn ne a viọ ne iran gha gbe aro ghe.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Hibru 8:2

Rẹn mudia ye ukpo ogie ohẹn vbe Ehe Ne Ọ Huan Sẹẹ Ehia, ọnii nọ wẹ, vbe uwu Ọgua nọ gua nii, ne Nọyaẹnmwa tobọ ẹre bọe ighẹ ẹ i re ne ọmwa ne agbọn họe.