Ẹksọdọs 35:5 - Edo Bible (E Baibol Ẹdo) Version 1996

⁵ Wa ghi zọhẹ gie Nọyaẹnmwa. Dọmwadẹ ọghọe ne ọ rhirhi gha ho ne ọ ru vberriọ ghi viọ emwi izọhẹ na rre: Igoru, esiliva, oze.

Ẹksọdọs 35:5 ပူးပေါင်းရင်းမြစ်များ

II Ọba 12:4

E Joas keghi tie avbe ohẹn, ọ na wẹ ne iran gha si igho ne iran ni zọ ese vbe Ọgua Osa hae koko, kevbe avbe igho ne a hare yọ zẹ vbe ne a mwa ye ese ne a zọ vbe ẹghẹ hia kevbe igho ne emwa ya ekhọe obọ iran viọ rre.

II Krọnikol 29:31

E Hẹzekaia keghi tama emwa ni wẹẹ, “Vbe ne a ghi na miẹn nian wẹ awua ighi rre uwa egbe, wa viọ emwi do ya zọ ese ekpọnmwẹ ghe Nọyaẹnmwa.” Iran keghi khuẹnniẹn yọ, eso keghi vbe ya ekhọe obọ iran viọ aranmwẹ rre ne a ya sọ ese na giẹn uan.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Ẹksọdọs 25:1

E Nọyaẹnmwa keghi tama e Mosis,

Ẹksọdọs 35:21

Dọmwadẹ emwa ne ọ ho ne ọ ru vberriọ keghi zọhẹ gie Osanobua ne a ya bọ Owa Ukpọn ehe ne Nọyaẹnmwa ye, emwi ne a ya ru ugamwẹ hia kevbe ne a ya sẹ ukpọn iruemwi.

Ẹksọdọs 35:29

Ikpia kevbe ikhuo hia ni rre Izrẹl, ni vbe ho ne iran mwẹ obọ vbe iwinna ne Nọyaẹnmwa gie Mosis do kha wẹ ne a ru, keghi viọ emwi izọhẹ iran gie Nọyaẹnmwa.

Ẹksọdọs 35:4

E Mosis keghi tama emwa Izrẹl hia wẹẹ, “Emwi ne Nọyaẹnmwa yi ẹre iyi ọre ọna khin.

Ẹksọdọs 35:6

Eto ohuan ne raghoragho, ne ọ vboro rhan-an, kevbe ne ọ baa, eto ovbiohuẹ ne vbukhẹẹ, ukpọn ne a ya eto ewe do.

II Kọrinti 9:7

Rhunmwuda ọnii, wẹ ne dọmwadẹ ọghọe zẹ ọhẹ vbene ọ ye ekhọe ẹre mwamwa ẹn, ẹ i re ne a ru viẹ, ra ọghe te a ya tọn mwẹ, rhunmwuda, ọmwa ne ọ ye ekhọe ọyẹnmwẹ ru ẹse, ọre Osanobua ho ẹmwẹ ọnrẹn.

Giọgis 5:9

Ekhọe mwẹ rrọ deba iran ni kha yan okuo Izrẹl deba iran ni tobọ iran gha khian wa rho e Nọyaẹnmwa!