Ẹksọdọs 35:31 - Edo Bible (E Baibol Ẹdo) Version 1996

³¹ Ọ ya orhiọn Osanobua vuọn rẹn sẹrriọ wẹ te ọ ghi mwẹ ifuẹro ẹtin kevbe irẹnmwi ne a ya winna iwinna ifuẹro hia.

Ẹksọdọs 35:31 ပူးပေါင်းရင်းမြစ်များ

I Ọba 7:14

Erha ẹe wu nẹ sokpan ovbi ẹvbo ne a tie ẹre Taia ne ọ vbe fuẹro oze ne a dunmwu na, vbe gha nọ, ovbi uniẹn e Naftali ọ re iye ẹe gha khin. E Huram kegha re owinna ne ọ rẹnmwi kevbe ne ọ fuẹro ẹsẹse. Ọ keghi kue yọ vbe Solomọn tama rẹn ne ọ gha gbearoghe iwinna ne a ra ye oze winna hia.

II Krọnikol 2:14

Ovbi uniẹn e Dan ọ re iye ẹe gha khin, erha ẹe kegha re ovbi ẹvbo na a tie ẹre Taia. Ọ sẹtin ya igoru, esiliva, oze, ematọn, okuta kevbe erhan ka emwi. Ọ sẹtin ya ẹmu ne raghoragho, ododo kevbe ọghe ukpọn ne ọ baa se emwi, kevbe eto ovbiohuẹ. Ọ sẹtin sa ama emwikemwi, ama emwikemwi ne a gie ma rẹn, te ọ ru ẹe. Gie ẹe deba avbe owinna ruẹn gha winna kevbe deba avbe owinna ni winna ne erha a ighẹ Devid ne ọba.

Ẹksọdọs 28:3

Tama emwa ifuẹro hia ni guẹ ona, iran hia ne I ya ẹe wẹ, ne iran sẹ ẹwu Errọn ne a miẹn ehe na ya ẹe fi ohan ne ọ gha ga mwẹ zẹ vbe ohẹn.

Ẹksọdọs 31:3

I ya orhiọn mwẹ vuọn rẹn nẹ sẹrriọ wẹ te ọ ghi mwẹ ifuẹro, ẹwaẹn kevbe ẹtin ne a ya ru emwi ona hia.

Ẹksọdọs 35:30

E Mosis keghi tama ivbi Izrẹl wẹẹ, “E Nọyaẹnmwa zẹ Bezalẹl ne ovbi Uri ne ovbi e Họ ne ẹwae Juda.

Ẹksọdọs 35:32

Ne ọ ya mwamwa ona ogie ẹwaẹn kevbe ne ọ vbe ya igoru, esiliva kevbe oze ru ẹe.

Ẹksọdọs 35:35

Ọ vbe rhie ifuẹro ne iran ya gha ru emwi hia ne owinna ru, emwa ni ya eto ohuan do ukpọn ne raghoragho, ne ọ vboro rhan an, kevbe ne ọ baa kevbe eto ovbi ohuẹ ne vbukhẹẹ kevbe ọghe emwa ni do ido kẹkan. Iran sẹtin winna iwinna ifuẹro hia, emwa ne ẹwaẹn emwi ne a mwa gba na iran khin.

Aizaia 28:26

Ọ rẹn vbene ọ ya winna iwinna rẹn hẹ rhunmwuda Osanobua ọ re ọ ma ẹre re.

Kọlose 2:3

Rẹn ọrọre isahẹn ne ọ sẹtin kie aza emwi ighobioye ne a viọ lẹre hia, ọghe irẹnmwi kevbe ẹwaẹn Osanobua.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.