Ẹksọdọs 35:3 - Edo Bible (E Baibol Ẹdo) Version 1996

³ Wa ghẹ kue hie erhẹn vbe owa uwa vbe Ẹdẹ Ikẹtin.”

Ẹksọdọs 35:3 ပူးပေါင်းရင်းမြစ်များ

Ẹksọdọs 12:16

Vbe ikpẹdẹ nokaro kevbe ikpẹdẹ ne ne ogihinrọn, wa ghi do iko ugamwẹ. Wa ghẹ winna iwinna rhọkpa vbe avbe ẹdẹ nii, sokpan wa sẹtin le evbare.

Ẹksọdọs 16:23

Rẹn keghi tama iran wẹẹ, “Iyi ne Nọyaẹnmwa yi ọna khin. Ẹdẹ ikẹtin ọre ẹdẹ ne akhuẹ khin, ẹdẹ ne ọ huanrẹn ọghe ikẹtin ne a ya fiohan ne Nọyaẹnmwa. Wa fian ebrẹd ne uwa gha fian ne uwa vbe le emwi ne uwa gha le. Emwi ne ọ ghi kẹrre hia, wa ya iran gba khua hin rre khẹ ẹdẹnakhuẹ.”

Ẹksọdọs 20:9

Ẹdẹ ehan ọre u gha ya gha winna iwinna ruẹn hia,

Ẹksọdọs 23:12

“Wa ghi ya ikpẹdẹ ehan winna sokpan vbe ikpẹdẹ ne ogihinrọn, wa ghẹ winna ne ẹmila uwa kevbe ekẹtẹkẹtẹ uwa miẹn ehe na hẹwẹ ne avbe eviẹn kevbe orhunmwuyẹn miẹn ehe na koko ẹtin.

Ẹksọdọs 31:15

Ikpẹdẹ ehan ọre uwa gha ya gha winna iwinna uwa, sokpan ẹdẹ ne ogihinrọn, ẹdẹ ọghe ikẹtin ọre nọ, ne ọ huanrẹn nọ ne Nọyaẹnmwa. Omwa ne ọ rhirhi winna vbe ẹdẹ rriọ a ghi gha gbe ẹe rua.

Ẹksọdọs 35:4

E Mosis keghi tama emwa Izrẹl hia wẹẹ, “Emwi ne Nọyaẹnmwa yi ẹre iyi ọre ọna khin.

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Levitikọs 23:3

Ikpẹdẹ ehan ọre uwa mwẹ ne uwa gha ya gha winna iwinna uwa, sokpan wa ghi yerre wẹ ẹdẹ ne ogihinrọn, ẹdẹ ikẹtin nọ. Vbe ẹdẹ nẹdẹrriọ, wa ghẹ winna, sokpan wa ghi si koko ne uwa ru ugamwẹ, Nọyaẹnmwa ọ re ọ yan ẹdẹ ikẹtin, ehe ne u rhirhi gha ye.