Ẹksọdọs 35:29 - Edo Bible (E Baibol Ẹdo) Version 1996

²⁹ Ikpia kevbe ikhuo hia ni rre Izrẹl, ni vbe ho ne iran mwẹ obọ vbe iwinna ne Nọyaẹnmwa gie Mosis do kha wẹ ne a ru, keghi viọ emwi izọhẹ iran gie Nọyaẹnmwa.

Ẹksọdọs 35:29 ပူးပေါင်းရင်းမြစ်များ

I Krọnikol 29:14

“Sokpan, levba sevba, mẹ kevbe emwa mwẹ i sẹtin gele rhie emwi kemwi nuẹn, rhunmwuda, emwi hia, wẹ ọ re ọ ya ẹe ru ọmwa ẹse, ọnii nọ wẹ emwi ne ọ re ọwuẹ nẹ ọre ima vbe dọlegbe viọ ne uẹn.

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

I Krọnikol 29:3

Yevbe deyan ena hia ne a mu egbe ẹre ye otọ na, I kevbe viọ avbe igoru kevbe esiliva ọghe obọ mwẹ ladian rhunmwuda vbene iho ẹmwẹ Ọgua Osa ọghe Osanobua hẹ.

I Krọnikol 29:6

Ẹre avbe ọkaẹgbẹe dọmwadẹ uniẹn, iran ni rre asẹ vbe dọmwadẹ ẹwae, avbe ọkaokuo nekhua avbe ivbiyokuo kevbe iran ni gbearoghe ẹfe ọba na ya ekhọe obọ iran we iran gha viọ re.

II Krọnikol 35:8

Avbe irriegie ẹre keghi vbe viọ emwi gie emwa nii, kevbe ne avbe ohẹn kevbe avbe Livai ne iran miẹn lo. Avbe irriegie ni gbearoghe Ọgua Osa ighẹ Hilkaia ne Ogie ohẹn, e Zẹkaraia kevbe Jẹhiẹl keghi vbe viọ oteghe ohuan arriaeha yan arriaisẹn eva (2,600) kevbe ivbi ẹwe ne avbe ohẹn, deba ẹkhuia ẹmila iyisẹn eha (300) ne iran ya zọ ese vbe uwu emwiukpo ni.

Ẹzra 3:5

Ye vbe deba ọnii, iran kevbe gha zọ ese ne a giẹn ikun ẹnrẹn hia, kevbe ese ne a zọ vbe ẹghẹ Emwiukpo Uki Ọgbọn, kevbe ẹghẹ ugamwẹ ni dekẹe hia ne a na si egbe koko ga e Nọyaẹnmwa; do deba avbe izọ ese ne a ya ọ kekhọerre zọ ghe Nọyaẹnmwa.

Ẹzra 8:28

I keghi tama iran wẹẹ, “Emwa iruemwi wa khin ne Nọyaẹnmwa ne Osanobua avbe erha uwa odede, deba avbe ọkpan esiliva ra ọghe igoru ne emwa ya zẹ ọhẹ akekhọerre gie ẹe.

Ẹksọdọs 35:4

E Mosis keghi tama emwa Izrẹl hia wẹẹ, “Emwi ne Nọyaẹnmwa yi ẹre iyi ọre ọna khin.

Ẹksọdọs 35:5

Wa ghi zọhẹ gie Nọyaẹnmwa. Dọmwadẹ ọghọe ne ọ rhirhi gha ho ne ọ ru vberriọ ghi viọ emwi izọhẹ na rre: Igoru, esiliva, oze.

Ẹksọdọs 36:3

Iran keghi miẹn e Mosis emwi izọhẹ hia ne ivbi Izrẹl viọ rre ne a ya bọ owa ne ọ huanrẹn nii. Ivbi Izrẹl keghi ye gha viọ emwi izọhẹ iran gie Mosis owiowiẹ.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

I Kọrinti 3:5

A deghẹ erriọ nọ, gha ọre Pọl yi? Gha ọre Apọlọs? Eguọmwadia kẹkan ọghe Osanobua ọre ima khin ne ọ ya uwa do yayi. Iwinna ne Osanobua wa ne dọmwadẹ ọghọe ọre ọ winnaẹn.

I Kọrinti 9:17

A deghẹ ekhọe obọ mwẹ ọre I ya winna, I sẹtin rhie aro yọ wẹ a gha ha mwẹ osa, sokpan ugbẹn vbe a miẹn wẹ iwinna ne ọ khẹ ke mwẹ nọ, ọnii rhie maa wẹ te I ru ẹe zẹ vbe okhuo ne a fian mẹ.

II Kọrinti 9:7

Rhunmwuda ọnii, wẹ ne dọmwadẹ ọghọe zẹ ọhẹ vbene ọ ye ekhọe ẹre mwamwa ẹn, ẹ i re ne a ru viẹ, ra ọghe te a ya tọn mwẹ, rhunmwuda, ọmwa ne ọ ye ekhọe ọyẹnmwẹ ru ẹse, ọre Osanobua ho ẹmwẹ ọnrẹn.

Galatia 6:16

Iran ne ọ ya ọna ru emwi vbe ẹdẹ agbọn iran, ọfumwegbe kevbe itohan, ọre ọ gha gu iran rrọọ, iran kevbe emwa Osanobua hia.

Diuteronomi 11:32

Wa ghi gie a miẹn wẹ wa ya uhi hia ne I ra viọ ne uwa ẹrẹna ru emwi.

Diuteronomi 12:32

“Wa ru emwi hia ne I tama uwa ne uwa ru, wa ghẹ fian yọ, wa ghẹ fian hin.

Diuteronomi 4:2

Wa ghẹ rhie te emwi ne I ma uwa ẹre, wa ghẹ vbe rhie hin rre. Wa gha mu uhi Nọyaẹnmwa Osanobua ne I rhie ne uwa sẹ.

II Pita 1:19

Rhunmwuda ọnii ọre ima na mwẹ amuẹntinyan ẹsẹse vbe ọghe orhu ne avbe akhasẹ do kpee. Emwi ne ọ gha ke ne uwa nọ, ne uwa mu aro ye ẹmwẹ ọnrẹn, rhunmwuda te ọ ye vbe ukpa ne ọ baa vbe ehe ne ọ so ebiebi rhinrin Ẹdẹ te do gbe, ne uwanmwẹ orhọnmwẹ owiẹ wan vbe uwu ekhọe uwa.

Giọgis 5:2

“Wa rho e Nọyaẹnmwa! Ivbi Izrẹl keghi wa yan yọ ne iran gbinna; emwa nii hia keghi ye oghọghọ rhie egbe yọ.

Giọgis 5:9

Ekhọe mwẹ rrọ deba iran ni kha yan okuo Izrẹl deba iran ni tobọ iran gha khian wa rho e Nọyaẹnmwa!