Ẹksọdọs 35:25 - Edo Bible (E Baibol Ẹdo) Version 1996

²⁵ Ikhuo ni fuẹro hia keghi ya eto ohuan ne raghoragho, ne ọ vboro rhan-an, kevbe ne ọ baa, sin oru ba eto ovbiohuẹ ne vbukhẹẹ viọ rre.

Ẹksọdọs 35:25 ပူးပေါင်းရင်းမြစ်များ

II Ọba 23:7

Ọ keghi guọghọe rua ighẹ owa ne avbe ebabotu Ọgua Osa te ye vbe Ọgua Osa. (Evba ọ re avbe ikhuo na te do ukpọn ne a ya gho Asiẹrra.)

I Krọnikol 28:21

A wa iwinna ne avbe ohẹn kevbe avbe Livai gha winna vbe Ọgua Osa ne iran nẹ. Emwa iwinna ni gue ona ughughan, mu egbe ne iran yuẹ obọ, avbe emwa nii hia kevbe avbe ekaolotu iran rre evba ne u lo iran vbene ọ khọn ruẹn.”

Ẹksọdọs 28:3

Tama emwa ifuẹro hia ni guẹ ona, iran hia ne I ya ẹe wẹ, ne iran sẹ ẹwu Errọn ne a miẹn ehe na ya ẹe fi ohan ne ọ gha ga mwẹ zẹ vbe ohẹn.

Ẹksọdọs 31:6

I vbe zẹ Oholiab ne ovbi Ahisamak ne ẹwae ọghe Dan ne ọ yaba re gha winna. I vbe ya ẹtin nọkhua ne avbe ọmwa ifuẹro nekpa hia fẹẹrẹ ne iran miẹn ehe na ru emwi hia ne I yi iyi ẹre ne iran ru:

Ẹksọdọs 35:24

Iran ne obọ ẹre vbe sẹ esiliva ra oze kevbe viọ izọhẹ iran gie Nọyaẹnmwa, iran ni vbe mwẹ erhan akasia ne ọ gha gie a lo ye emwi ne a kae hia keghi vbe viọ rre.

Ẹksọdọs 35:26

Avbe ikhuo ni fuẹro hia keghi vbe ya eto ewe sin oru.

Ẹksọdọs 36:1

“E Bezalẹl, Oholiab kevbe emwa ifuẹro hia ne Nọyaẹnmwa rhie irẹnmwi kevbe ẹwaẹn na, ni vbe rẹn emwi hia ne a gha ya bọ ehe ne ne ọ huanrẹn nii, iran ghi ru emwi hia zẹ vbene Nọyaẹnmwa ta ẹe.”

Itan 14:1

Ẹwaẹn ikhuo ọ re a ya gbe owa ẹkun sotọ, sokpan, ukọnmwẹ ọ re ọ zagha ẹe rua.

Iwinna 9:39

Rhunmwuda ọnii, Pita mu egbe ọ keghi lele iran gha khian. Ọ ghi sẹ evba, iran keghi rhie ẹre gha rrie nene ughugha vbe egedege. Avbe ẹgbẹe hia keghi mama rhuẹe, iran gha viẹ, iran kegha viọ ẹwu ọkotọ kevbe ọkodukhunmwu ne a sele vbe ẹghẹ ne ọ na rre agbọn ma emwa.

Ebe ne Pọl gbẹẹn gie emwa Rom 16:12

Wa giotuẹ Trifaena kevbe Trifosa mẹ, emwa ni winna vbe uwu iwinna Nọyaẹnmwa kevbe Pasis ne ọse mwẹ ne ọ ghan ne ọ winnaẹn ẹsẹse ne Nọyaẹnmwa.

Ebe ne Pọl gbẹẹn gie emwa Rom 16:6

Wa we Meri dọ, ọmwa ne ọ mobọ winna ye uwa.

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.

Filipai 4:3

Kevbe uwẹ, ogieva mwẹ ne ekhọe esi ne ima gba winna kugbe, lahọ ru iyobọ ne avbe ikhuo na, rhunmwuda, iran mobọ kakabọ gun mwẹ winna vbe uwu ne a na kpe orhu iyẹn ne ọ maa, kevbe Klẹmẹnt kevbe avbe iho mwa nekpa ne ima gba winna, eni emwa ne a gbẹnnẹ ye uwu ebe ẹfe ọghe Osanobua nẹ.