Ẹksọdọs 35:22 - Edo Bible (E Baibol Ẹdo) Version 1996

²² Ikpia kevbe ikhuo kevbe dọmwadẹ emwa ni ho keghi viọ ukotin ne a ya te emwi egbe rre, emwiehọ, oroka, emwiurhu, kevbe ikpẹrọnmwọ igoru ne iran ya fi ohan, zẹ vbe emwi izọhẹ gie Nọyaẹnmwa.

Ẹksọdọs 35:22 ပူးပေါင်းရင်းမြစ်များ

II Ọba 12:4

E Joas keghi tie avbe ohẹn, ọ na wẹ ne iran gha si igho ne iran ni zọ ese vbe Ọgua Osa hae koko, kevbe avbe igho ne a hare yọ zẹ vbe ne a mwa ye ese ne a zọ vbe ẹghẹ hia kevbe igho ne emwa ya ekhọe obọ iran viọ rre.

II Krọnikol 29:31

E Hẹzekaia keghi tama emwa ni wẹẹ, “Vbe ne a ghi na miẹn nian wẹ awua ighi rre uwa egbe, wa viọ emwi do ya zọ ese ekpọnmwẹ ghe Nọyaẹnmwa.” Iran keghi khuẹnniẹn yọ, eso keghi vbe ya ekhọe obọ iran viọ aranmwẹ rre ne a ya sọ ese na giẹn uan.

Ẹksọdọs 32:2

Errọn keghi tama iran wẹẹ, “Wa viọ avbe emwi ehọ igoru ne avbe amwẹ uwa, ivbi uwa nikpia kevbe nikhuo viọ ye ehọ ne uwa viọ ehia gun mwẹ.”

Ẹksọdọs 32:3

Ẹre emwa nii hia na koko emwi ehọ igoru iran, iran na hẹ ehia gie Errọn.

Ẹksọdọs 35:21

Dọmwadẹ emwa ne ọ ho ne ọ ru vberriọ keghi zọhẹ gie Osanobua ne a ya bọ Owa Ukpọn ehe ne Nọyaẹnmwa ye, emwi ne a ya ru ugamwẹ hia kevbe ne a ya sẹ ukpọn iruemwi.

Ẹksọdọs 35:23

Dọmwadẹ ọghọe ne ọ mwẹ eto ohuan ne raghoragho, ne ọ vboro rhan an, ra ne ọ baa, eto ovbiohuẹ ne vbukhẹẹ, ukpọn eto ẹwe, ohian ogho ne a ye emwi ne ọ baa gbe ra ohian ne vbukhẹẹ kegha viọ emwi ne iran mwẹ rre.

Itan 25:12

Ude ne ọmwa ne ọ kpẹ agbọn rhie ne ọmwa ne ọ mu egbe ne ọ ya danmwehọ, ọ re ọ maa sẹẹ avbe oroka igoru emwitegbe ne a ye igoru ne ọ maa sẹẹ ru.

Aizaia 3:19

kevbe urhuabọ. Ọ gha miẹn iran ukpọn ugbaleto,

Aizaia 60:13

“Erhan agba, umẹ kevbe uvbiakhẹ erhan ne ọ ghi maa sẹ vbe ẹgbo e Lebanọn a gha viọ iran do ya dọlọ e Jerusalẹm ruẹn bọ. Ne a do ya ẹe ya Ọgua Osa mwẹ mose. Ne a do ya ẹvbo mwẹ gha mwẹ uyi.

Aizaia 60:9

Avbe okọ ni ke otọ urria dee nọ. Te iran viọ emwa Osanobua die owa. Iran viọ esiliva kevbe igoru mwẹ obọ dee ne iran do ya ya ọghọ ne eni e Nọyaẹnmwa Osanobua nọhuanrẹn ọghe Izrẹl. Ne ọ ye avbe uhunmwu ẹvbo hia gha ya ọghọ ne emwa irẹn.

Ezikiẹl 16:11

I viọ emwi ya te ruẹ egbe, avbe emwiobọ kevbe emwi urhu ikpẹrọnmwọ.

Nọmbas 31:50

Rhunmwuda ọnii, ma ra viọ avbe emwitegbe ọghe igoru, emwiobọ, emwiurhu, oroka, emwiehọ kevbe eghan urhu ne dọmwadẹ ọghe ọe vbe uwu ima viọre rre. Ma ya ẹe zẹ ọhẹ gie Nọyaẹnmwa zẹ vbe emwi ne a ya ne Osanobua ye ne ima na miẹn uhunmwu, ne ọ miẹn ehe na gha degue ima khian.”

Matiu 2:11

Ugbẹn vbe iran ghi la owa, iran keghi miẹn nene ọmọ kẹe kevbe Meri ne iye ẹe. Iran keghi diguẹ ya emwi nẹẹn, igoru, eturari kevbe oziya.