Ẹksọdọs 35:21 - Edo Bible (E Baibol Ẹdo) Version 1996

²¹ Dọmwadẹ emwa ne ọ ho ne ọ ru vberriọ keghi zọhẹ gie Osanobua ne a ya bọ Owa Ukpọn ehe ne Nọyaẹnmwa ye, emwi ne a ya ru ugamwẹ hia kevbe ne a ya sẹ ukpọn iruemwi.

Ẹksọdọs 35:21 ပူးပေါင်းရင်းမြစ်များ

II Samuẹl 7:27

Nọyaẹnmwa ne Oghodua, Osanobua ivbi Izrẹl, rhunmwuda ne uwẹ na rhie emwi na ma ime ne ọguọmwadia ruẹ, vbene u na tama mwẹ wẹẹ, u gha ya uniẹn mwẹ rriọba ọ re ọzẹe ne ohan na gunmwẹ na erhunmwu vbenian ghe ruẹ.

I Krọnikol 28:2

E Devid keghi mudia ye odaro iran, ọ na gu iran guan wẹẹ, “Wa ne ivbi ẹvbo mwẹ, wa danmwehọ mwẹ. Ọ te gha rrọ mwẹ ekhọe ne I bọ owa etẹbitẹ ne Ẹkpẹti Ile, ne ọ re ẹkpẹti ne Nọyaẹnmwa ne Osanobua mwa viọ owẹ yan. I mu egbe ẹre ye otọ nẹ ne I bọ Ọgua Osa ya yọghọ nẹẹn.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

I Krọnikol 29:14

“Sokpan, levba sevba, mẹ kevbe emwa mwẹ i sẹtin gele rhie emwi kemwi nuẹn, rhunmwuda, emwi hia, wẹ ọ re ọ ya ẹe ru ọmwa ẹse, ọnii nọ wẹ emwi ne ọ re ọwuẹ nẹ ọre ima vbe dọlegbe viọ ne uẹn.

I Krọnikol 29:3

Yevbe deyan ena hia ne a mu egbe ẹre ye otọ na, I kevbe viọ avbe igoru kevbe esiliva ọghe obọ mwẹ ladian rhunmwuda vbene iho ẹmwẹ Ọgua Osa ọghe Osanobua hẹ.

I Krọnikol 29:8

Iran ni mwẹ okuta ighobioye keghi viọ iran ye aza Ọgua Osa ne ọ gbe aro ghe ighẹ Jẹhiẹl ne ovbi uniẹn e Gẹsiọn ne Livai.

I Krọnikol 29:9

Emwa nii keghi ya ekhọe obọ iran viọ emwi gie Nọyaẹnmwa, iran keghi ghọghọ wẹ emwi ne a viọ rre bun sẹ vberriọ. Ẹko keghi kakabọ rhiẹnrhiẹn e Devid ne ọba tobọ ẹre.

Ẹzra 2:68

Avbe ọyiwe ghi sẹ ehe ne Ọgua Osa e Nọyaẹnmwa ye, vbe Jerusalẹm, eso vbe uwu avbe ọkaolotu ẹwae vbọ keghi viọ emwi izẹọhẹ rre ne a ya ru iyobọ ya bọ Ọgua Osa ye ehe ne ọ ka ye.

Ẹzra 7:27

Ẹzra keghi kha wẹẹ, “Wa rho e Nọyaẹnmwa ne Osanobua avbe erha mwẹ odede. Ọ ru ẹe ne ọgbaisi ya ọghọ ne Ọgua Osa e Nọyaẹnmwa ne ọ rre Jerusalẹm vbenian.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Ẹksọdọs 25:2

“Tama ivbi Izrẹl ne iran rhie izọhẹ gu mwẹ. Miẹn iran emwi ne iran a rhirhi ya ru izọhẹ rre.

Ẹksọdọs 35:20

Ivbi Izrẹl hia keghi kpao.

Ẹksọdọs 35:22

Ikpia kevbe ikhuo kevbe dọmwadẹ emwa ni ho keghi viọ ukotin ne a ya te emwi egbe rre, emwiehọ, oroka, emwiurhu, kevbe ikpẹrọnmwọ igoru ne iran ya fi ohan, zẹ vbe emwi izọhẹ gie Nọyaẹnmwa.

Ẹksọdọs 35:26

Avbe ikhuo ni fuẹro hia keghi vbe ya eto ewe sin oru.

Ẹksọdọs 35:29

Ikpia kevbe ikhuo hia ni rre Izrẹl, ni vbe ho ne iran mwẹ obọ vbe iwinna ne Nọyaẹnmwa gie Mosis do kha wẹ ne a ru, keghi viọ emwi izọhẹ iran gie Nọyaẹnmwa.

Ẹksọdọs 35:5

Wa ghi zọhẹ gie Nọyaẹnmwa. Dọmwadẹ ọghọe ne ọ rhirhi gha ho ne ọ ru vberriọ ghi viọ emwi izọhẹ na rre: Igoru, esiliva, oze.

Ẹksọdọs 36:2

E Mosis keghi tie Bezalẹl, Oholiab kevbe emwa ifuẹro hia ne Nọyaẹnmwa rhie ẹtin na, kevbe emwa hia ni mu egbe ne iran ya ru iyobọ, ọ tama iran wẹ ne iran suẹn iwinna.

Itan 4:23

Ye egbe vbekpa iro ne u zẹ, iro ne u zẹ ọ re ọ ta vbene ẹdẹ agbọn ruẹn ra gha ye hẹ.

Jerimaia 30:21

Ẹvbo iran ọ re ogie iran gha ke rre ovbiọba iran ghi gha re okpa vbe uwu iran I gha tie ẹre, ọ ghi bu mwẹ gha dee rhunmwuda, de ọmwa ne ohan gha giee rre vbe a ma tie ẹre? Iran ghi gha re emwa mwẹ, mẹ ghi gha re Osanobua iran. Mẹ ne Nọyaẹnmwa tae nẹ.”

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.

II Kọrinti 9:7

Rhunmwuda ọnii, wẹ ne dọmwadẹ ọghọe zẹ ọhẹ vbene ọ ye ekhọe ẹre mwamwa ẹn, ẹ i re ne a ru viẹ, ra ọghe te a ya tọn mwẹ, rhunmwuda, ọmwa ne ọ ye ekhọe ọyẹnmwẹ ru ẹse, ọre Osanobua ho ẹmwẹ ọnrẹn.

Giọgis 5:12

Ke odaro, Dẹbora! Ke odaro! Ke odaro! So ihuan! Ke odaro! Khianmwu, e Barak ne ovbi Abinoam viọ avbe oghunmwu ruẹn gha rrie!

Giọgis 5:3

Wa ne avbe ọba, wa danmwehọ. Wa rhie ekhọe yọ, enikhaemwisẹ! I gha so ihuan kpe emwi iku ne Osanobua Izrẹl ighẹ Nọyaẹnmwa.

Giọgis 5:9

Ekhọe mwẹ rrọ deba iran ni kha yan okuo Izrẹl deba iran ni tobọ iran gha khian wa rho e Nọyaẹnmwa!