Ẹksọdọs 35:2 - Edo Bible (E Baibol Ẹdo) Version 1996

² Ẹdẹ ehan ọre uwa gha ya gha winna sokpan ẹdẹ ne ogihinrọn ghi gha re Ẹdẹ Ikẹtin ne ọ huanrẹn ne uwa, Ẹdẹ ọghe Ikẹtin ne a ya fiohan ne ime ne Nọyaẹnmwa. Ọmwaikọmwa ne ọ winna ẹn ẹdẹrriọ, a gha gbe ẹe rua.

Ẹksọdọs 35:2 ပူးပေါင်းရင်းမြစ်များ

Ẹksọdọs 16:23

Rẹn keghi tama iran wẹẹ, “Iyi ne Nọyaẹnmwa yi ọna khin. Ẹdẹ ikẹtin ọre ẹdẹ ne akhuẹ khin, ẹdẹ ne ọ huanrẹn ọghe ikẹtin ne a ya fiohan ne Nọyaẹnmwa. Wa fian ebrẹd ne uwa gha fian ne uwa vbe le emwi ne uwa gha le. Emwi ne ọ ghi kẹrre hia, wa ya iran gba khua hin rre khẹ ẹdẹnakhuẹ.”

Ẹksọdọs 23:12

“Wa ghi ya ikpẹdẹ ehan winna sokpan vbe ikpẹdẹ ne ogihinrọn, wa ghẹ winna ne ẹmila uwa kevbe ekẹtẹkẹtẹ uwa miẹn ehe na hẹwẹ ne avbe eviẹn kevbe orhunmwuyẹn miẹn ehe na koko ẹtin.

Ẹksọdọs 34:21

“Ikpẹdẹ ehan wa gha ya gha winna sokpan wa ghẹ winna vbe ikpẹdẹ ne ogihinrọn, ọre ẹghẹ egua nọ ra ẹghẹ akọrhọre.

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Levitikọs 23:3

Ikpẹdẹ ehan ọre uwa mwẹ ne uwa gha ya gha winna iwinna uwa, sokpan wa ghi yerre wẹ ẹdẹ ne ogihinrọn, ẹdẹ ikẹtin nọ. Vbe ẹdẹ nẹdẹrriọ, wa ghẹ winna, sokpan wa ghi si koko ne uwa ru ugamwẹ, Nọyaẹnmwa ọ re ọ yan ẹdẹ ikẹtin, ehe ne u rhirhi gha ye.

Iyẹn ne ọ Maan Ọghe Jọn 5:16

Rhunmwuda ọnii, avbe Ju kegha zẹ Jesu owẹ rhunmwuda ne ọ na sinmwi ọmwa vbe Ẹdẹ Ikẹtin na.