Ẹksọdọs 34:9 - Edo Bible (E Baibol Ẹdo) Version 1996

⁹ Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Ẹksọdọs 34:9 ပူးပေါင်းရင်းမြစ်များ

Psalm 135:4

Ọ zẹ Jekọb ne egbe ẹre, ivbi Izrẹl ne iran gha re ọghe irẹn.

Psalm 25:11

Mu eyan ruẹn sẹ Nọyaẹnmwa, ne u ya orukhọ mwẹ bọ mwẹ rhunmwuda iran wa bun.

Psalm 28:9

Miẹn emwa ruẹn fan Nọyaẹnmwa ne u vbe fiangbe emwa ni re ọwuẹ. Gha re ọsuohuan iran, ne u vbe gha gbearoghe iran ẹdẹdẹmwẹdẹ.

Psalm 33:12

Afiangbe ọrọre ọghe uhunmwu ẹvbo ne Nọyaẹnmwa re Osanobua ẹre. Afiangbe ọrọre ọghe emwa ne irẹn zẹ ya ru ọghọe.

Psalm 78:62

Ohu emwa rẹn mu ẹẹn, ọ na gie avbe eghian iran gbele iran an.

Psalm 94:14

E Nọyaẹnmwa i ra he emwa rẹn yotọ, rẹn i ra fi iyeke gbe iran ni re ọghọe.

Ẹksọdọs 19:5

A deghẹ wa gha họn ẹmwẹ mwẹ, wa na vbe rhie uhi mwẹ mwẹ, wa ghi do gha re emwa obọ mwẹ. Mẹ ọre ọ yan agbọn na hia, sokpan wa ghi gha re emwa ne I hannọ zẹ.

Ẹksọdọs 32:9

E Nọyaẹnmwa keghi tama e Mosis wẹẹ, “Iran na yenhọ gbe.

Ẹksọdọs 33:12

E Mosis keghi tama e Nọyaẹnmwa wẹẹ, “Ẹmwata nọ wẹ ne I viọ emwa na gha rrie otọ nii, sokpan u ma tama mwẹ ọmwa ne u gha gie lele mwẹ. U keghi kha wẹẹ, ‘U rẹn mwẹ ẹsẹse ekhọe ruẹ vbe rhiẹnrhiẹn ghe mwẹ.’

Ẹksọdọs 34:7

Mẹ vbe mu eyan mwẹ sẹ igba arria isẹn vbe inu ihe ne ọ khin. ne ọ ya iba, ọkhọ, kevbe emwi dan bọ ọmwa, sevba ne ẹ i mianmian ne ọ ya rria ikhi orukhọ ne avbe erha iran ru vbe egbe ivbi iran ya sẹ orre ne ogienẹ.”

Aizaia 48:4

I rẹnrẹn ighẹ wa gha rhie ma ighẹ wa zevbudu wa na ye gbain vbe ematọn, kevbe ne ẹ i vbe vbokho zẹ vbe ẹgere.

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Zẹkaraia 2:12

E Juda gha dọlegbe do gha re emwiobọ kpataki ọghe Nọyaẹnmwa vbe otọe ọre nọhuanrẹn, e Jerusalẹm gha do gha re okpẹvbo ne irẹn gha ho ẹmwẹ ọnrẹn sẹẹ ehia fẹẹrẹ.

Nọmbas 14:19

Lahọ, la ekpa ahoẹmwọmwa ruẹn nọkhua kevbe ne ẹ i fiwerriẹ ya orukhọ emwa na bọ iran, zẹ vbene u ya gha bọ iran ya ke ne iran kpao vbe Igipt gha dee.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Diuteronomi 32:9

Sokpan ọ zẹ ivbi e Jekọb zẹ vbe ọghe ọe.

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.

Diuteronomi 9:18

I na vbe dọlegbe mu ẹko rhu otọ la avan iyeva ke asọn iyeva vbe odaro e Nọyaẹnmwa, I ma re, I ma da. I ru ọna rhunmwuda, wa ru orukhọ ghe Nọyaẹnmwa nẹ, wa keghi ya ẹe mu ohu.

Diuteronomi 9:26

I keghi na erhunmwu wẹẹ, ‘E Nọyaẹnmwa ne Udazi, lahọ ghẹ fuẹn emwa ruẹn uan, emwa ne u ya ẹtin kevbe iwegbe ruẹ fan vbe irri, u kevbe viọ iran ke otọ Igipt rre.

Diuteronomi 9:29

Vbene ọ rhirhi a gha ye hẹ, iran na ọrọre emwa ruẹn ne u hannọ zẹ ne iran gha re ọwuẹ, u na ya ẹtin kevbe iwegbe ruẹ nọkhua viọ iran ke Igipt ladian.’