Ẹksọdọs 34:5 - Edo Bible (E Baibol Ẹdo) Version 1996

⁵ E Nọyaẹnmwa keghi nana okuku tuorre, ọ keghi mudia vbe evba, ọ keghi sunu ye eni irẹn Ne ọ huanrẹn, e Nọyaẹnmwa.

Ẹksọdọs 34:5 ပူးပေါင်းရင်းမြစ်များ

Psalm 102:21

Rhunmwuda ọnii, a gha go wan eni ẹnrẹn vbe Zaiọn, a gha vbe rho ẹre vbe Jerusalẹm.

Ẹksọdọs 19:18

Ighogho keghi gba uhunmwu oke Sainai hia rhunmwuda e Nọyaẹnmwa la erhẹn tuorre yan rẹn. Ighogho nii kegha ye odukhunmwu zẹ vbe ighogho ogidi erhẹn. Emwa nii hia kegha guọ kpẹkpẹkpẹ.

Ẹksọdọs 19:9

E Nọyaẹnmwa keghi tama e Mosis wẹẹ, “I gha la uwu okuku ne ọ mwẹ imi bu ruẹ rre, ne emwa nii miẹn ehe na họn vbe I guẹ guan ne iran gha rhie ẹmwẹ ruẹn kevbe ẹghẹ na kpao.”

Ẹksọdọs 23:21

Wa ghi rhie ehọ ye ẹmwẹ ọnrẹn, wa gha ru vbene ọ khare. Wa ghẹ sọtẹ ghe ẹre rhunmwuda eni mwẹ ọre ọ ya ru emwi. Rẹn i ra ye egbe abakuru vberriọ bọ ọmwa.

Ẹksọdọs 33:19

E Nọyaẹnmwa keghi wanniẹn, “I gha gie uyi mwẹ hia gberra vbe odaro ruẹ, I ghi vbe tie eni mwẹ Nọhuanrẹn vbe odaro ruẹ. I gha mwẹ ekhọe agiẹngiẹn kevbe itohan ghe ne ọ khọn mwẹ.

Ẹksọdọs 33:9

E Mosis gha ghi la uwu Owa Ukpọn nii nẹ, orre okuku ghi do mudia ye onurho Owa Ukpọn nii. E Nọyaẹnmwa ghi gha ke uwu orre okuku gu e Mosis guan.

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Aizaia 1:10

E Jerusalẹm te avbe iran ni khaemwisẹ yan ruẹn kevbe avbe emwa ruẹn yevbe ọghe Sọdom kevbe Gomorra. Danmwehọ ẹmwẹ ne Nọyaẹnmwa wa tama ruẹn nian. Rhie ehọ ye emwi ne Osanobua mwa ma ruẹn re na.

Nọmbas 11:17

I gha tuorre do guẹ guan vbe evba, I gha rhie vbe orhiọn ne I rhie ne uwẹ nẹ, I ghi rhie ne iran. Ẹghẹ nii iran ghi gha ru iyobọ ne uẹn ya gha gbe aro ghe avbe emwa na, ne ọ ghẹ ghi gha re wẹ wẹ ọkpa ọ re ọ mu uhunmwu da ẹre.”

Nọmbas 11:25

E Nọyaẹnmwa keghi la okuku tuorre do gu e Mosis guan. Ọ keghi rhie vbe ẹtin ne ọ rhie ne Mosis nẹ, ọ na rhie ne avbe arhin ekigbe siyenẹ ni re ekaolotu nii. Ugbẹn vbe orhiọn nii ghi tuorre yan iran, iran kegha vannọ sokpan zẹ vbe avbe akhasẹ, ọ ma ghi kpẹe ọ keghi dobọyi.

Nọmbas 12:5

ẹre Nọyaẹnmwa na nana orre okuku tuorre, ọ na mudia ye onurho Owa Ukpọn. ọ keghi da tie wẹẹ, “Errọn! Miriam!” Iran eveva keghi zẹ owẹ ghe odaro.

Nọmbas 14:17

Rhunmwuda onii e Nọyaẹnmwa lahọ, rhie ẹtin ruẹn ma mwa ne u vbe ru vbene u khare ẹkpo ne u na wẹẹ,

Diuteronomi 32:3

I gha rho eni e Nọyaẹnmwa, emwa rẹn gha ta ẹmwẹ ukpọlọmwẹ ọnrẹn.

I Samuẹl 3:18

Ẹre Samuẹl na talọ emwi hia ma rẹn, ọ ma vbe ke ya vbọ hiehie. Elai keghi wanniẹn wẹẹ, “Rẹn ọrọre Nọyaẹnmwa, emwikemwi ne ọ kei sẹ vbe aro ẹre ọ re ọ ra ru.”