Ẹksọdọs 34:4 - Edo Bible (E Baibol Ẹdo) Version 1996

⁴ Ẹre Mosis na do kae uhanhan okuta eva zẹ vbe nokaro nii, ọ ghi sẹ owiẹ ẹdẹ ne ọ lele ẹe, ọ keghi viọ iran hin uhunmwu oke Sainai zẹ vbene Nọyaẹnmwa tama rẹn, ọ keghi viọ uhanhan okuta eva nii mwẹ obọ.

Ẹksọdọs 34:4 ပူးပေါင်းရင်းမြစ်များ

Ẹksọdọs 19:20

E Nọyaẹnmwa keghi tuorre ye uhunmwu oke Sainai, ọ keghi tie Mosis la uhunmwu oke, e Mosis keghi hin odukhunmwu.

Ẹksọdọs 19:3

E Mosis keghi hin uhunmwu oke nii ne ọ ya vba Osanobua. E Nọyaẹnmwa keghi datie ẹre ke uhunmwu oke rre, ọ na tama rẹn wẹ ne ọ tama ivbi Izrẹl ne ivbi uniẹn Jekọb wẹẹ:

Ẹksọdọs 32:16

Iwinna Osanobua ọre iran khin. Emwi ne a gbẹnnẹ yọ, emwi ne Osanobua gbẹnnẹ nọ, ne a ka e ye avbe uhanhan nii.

Ẹksọdọs 34:1

E Nọyaẹnmwa keghi tama e Mosis wẹẹ, “Ka Uhanhan okuta eva ni ye vbe nokaro nii, I gha vbe gbẹnnẹ avbe ẹmwẹ ni rre avbe uhanhan ne okaro ne u guọghọ ua yọ.

Diuteronomi 10:1

“E Nọyaẹnmwa keghi tama mwẹ wẹẹ, ‘Ka uhanhan okuta eva ni vbe ye vbe ne okaro nii, ne u vbe ka ẹkpẹti ne a gha viọ iran yi. U ghi viọ iran bu mwẹ gha die uhunmwu oke.

Diuteronomi 10:3

“Ọre I na ya erhan akasia kan ẹkpẹti, I na ka uhanhan okuta eva zẹ vbene ne okaro gha ye, I na viọ hin uhunmwu oke.