Ẹksọdọs 34:29 - Edo Bible (E Baibol Ẹdo) Version 1996

²⁹ Ugbẹn vbe Mosis ghi tuorre vbe uhunmwu oke Sainai ke ẹe kevbe vbene ọ na dada uhi igbigbe mwẹ, ọ ma rẹn wẹ rhunmwuda ne irẹn na gha gu e Nọyaẹnmwa guan ighẹ te ugbaro irẹn ghi fi wainwain.

Ẹksọdọs 34:29 ပူးပေါင်းရင်းမြစ်များ

Ẹksọdọs 16:15

Ugbẹn vbe ivbi Izrẹl ghi miẹn ọẹn, iran ma rẹn emwi ne ọ khin, iran na gha nọ egbe ọta wẹẹ, vbe ọna khin yi? E Mosis keghi tama iran wẹẹ, “Ebrẹd ne Nọyaẹnmwa viọ gie uwa re ọre ena khin.

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 32:15

E Mosis keghi fi egbe werriẹ, ọ na tuorre vbe uhunmwu oke, ke irẹn kevbe uhanhan ayere eva ne a gbẹnnẹ ọre obọ eveva.

Ẹksọdọs 34:35

Iran ghi miẹn wẹ aro ẹre fi wainwain, ọ ghi vbe dọlegbe mu emwi gue aro ẹre ọ te sẹ ẹghẹ ne ọ gha ghi vbe ya gha khian ne ọ ya gu e Nọyaẹnmwa guan.

Asan-Ibo 8:1

Ọmwa ne ọ wan okpa ọ re ọ rẹn emwi ne a mobọ ya emwi kha. Ẹwaẹn ọ re ọ ya ẹe mu ẹẹn mu ẹẹn ogiẹ, ọ ghi vbe gia ho aro ẹre ne sukusuku bẹkun.

Matiu 17:2

Ọ keghi sirra iran fi egbe werriẹ, aro ẹre kegha fi wain wain vbe owẹn, ukpọn rẹn keghi fuọfua vbe ukpa.

Iyẹn ne ọ Maan Ọghe Mak 14:40

Ọ keghi vbe dọlegbe bu avbe erhuanegbe gha dee, ọ keghi vbe do vba ighe iran vbiẹ, iran ma sẹtin rhan aro rua. Iran ma vbe rẹn ẹmwẹ ne iran gha tama rẹn.

Iyẹn ne ọ Maan Ọghe Mak 9:6

Ke irẹn kevbe nekpa wa runran sẹrriọ ne ọ na ma ghi rẹn ẹmwẹ ne ọ gha guan.

Iyẹn ne ọ Maan Ọghe Luk 2:49

Rẹn keghi wanniẹn khama iran wẹẹ, “Vbe uwa gualọ mwẹ baa? Wa ma rẹn ighẹ uwowa erha mwẹ ọre ọ kere ne I gha ye.”

Iyẹn ne ọ Maan Ọghe Luk 9:29

Zẹ vbene ọ wa na erhunmwu ni, ugbaro ẹre keghi fiwerriẹ, ukpọn rẹn kegha fuọfua nẹ i gie a ghe.

Iyẹn ne ọ Maan Ọghe Jọn 5:13

Sokpan ọmwa ne a sinmwi ni ma rẹn ọmwa ne ọ khin, rhunmwuda Jesu kpao vbe evba rre nẹ, ẹvbo kevbe bun vbe evba ẹsẹse.

Iwinna 12:9

Pita keghi lele ẹe ladian vbe uwu ẹwẹdọ sokpan ọ ma gi ẹe rẹn deghẹ ẹmwata ọre emwi ne odibosa ru khin, ọ keghi te gha ro ighẹ te irẹn miẹn umian.

Iwinna 23:5

Pọl wanniẹn wẹ, “Etẹn, I ma rẹn ighẹ Ogie Ohẹn nọ. Rhunmwuda Ebe tae nẹ wẹ, ‘Ohan igie uwẹ ye unu sakan ọmwa ne ọ khaemwisẹ yan emwa ruẹn.’ ”

Iwinna 6:15

Emwa ni rre Iko ni hia ke wa tọn aro ye Stivin egbe, iran keghi miẹn wẹ, ugbaro ẹre wa yevbe ugbaro odibosa.

II Kọrinti 3:13

Ma i yevbe Mosis ne ọ gha mu ukpọn gue aro ne ivbi Izrẹl ghẹ bẹghe awanwan nii vbe ọ gha fafaa la hin evba rre.

Diuteronomi 10:5

I keghi fi egbe werriẹ, I na tuorre vbe uhunmwu oke nii. I na viọ iran ye ẹkpẹti ne I kanrẹn nii zẹ vbene Nọyaẹnmwa tama mwẹ. Evba iran ye ke ẹghẹ nii gha dee.”

Jọsua 2:4

Sokpan okhuo nii keghi viọ ikpia eveva na, ọ na viọ iran lẹre, rẹn keghi wanniẹn wẹẹ, “Vbe ẹmwata, ikpia eso gele sẹ owa mwẹ, sokpan I ma rẹn ehe ne iran ke rre. Ovẹn ghi dero, vbe a te khui urho ẹvbo vbe asọn, iran keghi vbe kpao. Sokpan I ma nọ iran ehe ne iran rrie.” (Rẹn keghi viọ avbe ọrhẹ nii la ihie, ọ keghi ye erhan kevbe ebe izẹ ni rre evba gue iran ginna otọ.)

Jọsua 8:14

Ọba Eai ghi bẹghe ibiẹka e Jọsua ọ keghi wa zẹgiẹgiẹ guakpaọ. Ke irẹn kevbe emwa rẹn keghi wa ladian gha rrie odẹ Iya Jọdan ne iran ya gu Izrẹl gbinna vbe ihe ọkpa ne iran na ka vbe ru vberriọ. Rẹn ma rẹn ighẹ iyeke ọ re a ra ke gu ẹe khọn.

Arhie Maan 1:16

Ọ keghi viọ orhọnmwẹ ihinrọn mwẹ obọ erha ọmwa ẹnrẹn, umozo ne ọ mwẹ unu eva ne ọ wa mu, kegha ke uwu unu ẹnrẹn ladian. Ugbaro ẹre ye ghanghanghan zẹ vbe ne owẹn ye vbe ogiavan.

Arhie Maan 10:1

Vbe iyeke ọnii, I keghi bẹghe odibosa nọkhua ọkpa vbe ọ ke ẹrinmwi tuorre dee. Amẹ ne ọ bii ọre ọ ya mu egbe. Ikpin amẹ keghi lẹga ẹre uhunmwu, ugbaro ẹre keghi yevbe owẹn, erhan owẹ ọre nekhua ye vbe orre ọghe erhẹn.

Giọgis 16:20

Okhuo nii keghi datu wẹẹ, “E Samsin, ivbi e Filistia dee!” Rẹn keghi rhiọrre, ọ keghi te gha ro wẹẹ, “I gha vin ladian ne I fanmwẹ gbe ua vbene I ka ru ẹẹ yi.” Ọ ma rẹn wẹ e Nọyaẹnmwa kpao sẹ ọe rae nẹ.