Ẹksọdọs 34:24 - Edo Bible (E Baibol Ẹdo) Version 1996

²⁴ I gha ghi khulo avbe okpẹvbo hin odaro rua rre nẹ, I na vbe rhie te ehe ne otọe rua la ẹe, a i miẹn ọmwa ne ọ gha ho ne ọ ya khọn ẹvbo uwa vbe uwu igba eha ne uwa do gha miẹn mwẹ aro nii, mẹ ne Nọyaẹnmwa ne Osanobua ruẹ.

Ẹksọdọs 34:24 ပူးပေါင်းရင်းမြစ်များ

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

Gẹnẹsis 35:5

Ugbẹn vbe Jekọb kevbe ivbi ẹre ghi suẹn gha kpao, ohan nọkhua kegha mu emwa ni rre ẹvbo ni lẹga evba, iran ma khu iran.

I Ọba 5:1

Ke Omuhẹn gha dee, ọse Devid ọre Hiram ne ọba Taia gha khin, ọ ghi họn wẹ e Solomọn rriọba lele Devid ne erha ẹe, ọ keghi gie ukọ bu ẹre gha khian.

I Krọnikol 4:10

Sokpan, e Jabẹz keghi na erhunmwu ghe Osanobua Izrẹl wẹẹ, “Osanobua, fiangbe mwẹ ne u vbe mu otọe ne ọ kpọlọ mẹ. Yaba mwẹ ne u vbe rhie mwẹ lẹre hin obọ emwikemwi ne ọ gha si obalọ yọmwẹ egbe rre.” Osanobua keghi rhie emwi ne ọ na erhunmwu yi ne ẹẹn.

II Krọnikol 17:10

E Nọyaẹnmwa keghi ru ẹe wẹ a ma ghi miẹn ne ohan gie ẹe mu okuọ gie Jehosiafat ne ọba vbe uwu avbe arriọba ni lẹga ẹre.

Job 1:10

U tan obọ gue ẹre, kevbe ẹgbẹe ọre kevbe emwi hia ne ọ mwẹ. U fiangbe emwi hia ne ọ ru. Ẹmila ne u hẹ ne ẹẹn vuọn otọe ẹvbo na hia.

Psalm 120:1

Ẹghẹ ne I na gha rre uwu ibaro, I kpe tie Nọyaẹnmwa, ọ kevbe zẹ ẹmwẹ wanniẹn mwẹ.

Psalm 78:55

Ọ khulo iran ni yin ẹnrẹn ladian, vbe avbe emwa irẹn dee, ọ ghae otọe iran ne iran ne ẹwae Izrẹl ọ na vbe munọ owa iran ne emwa irẹn.

Psalm 80:8

U rhie azara ima okpa ke Igipt rre, u khulo uhunmwu ẹvbo nekpa ladian, u keghi gbọ ẹre ye otọe iran.

Ẹksọdọs 33:2

I gha gie odibosa ke odaro uwa, I gha khulo ivbi e Kenan, kevbe Hiti, e Pẹriz, e Hivi kevbe Jebus ladian.

Ẹksọdọs 34:11

U ghi gha lele uhi ne I gha rhie nuẹn ẹrẹna. I gha khulo iran hin odaro ruẹ rre ighẹ ivbi Amọri, e Kenan, e Hiti, e Pẹriz, e Hivi kevbe Jebus, vbene u ya nana sikẹ odaro.

Itan 16:7

U gha ru vbene ọ yẹ Nọyaẹnmwa, u gha sẹtin ya avbe eghian ruẹn khian ọse.

Levitikọs 18:24

Wa ghẹ yin avbe uyinmwẹ na ya mu awua gie egbe uwa. Odẹ vbenian, ọre avbe ni ga ẹbọ ni ka gha rre otọe na khẹ uwa ya mu awua gie egbe iran, te Nọyaẹnmwa ghi khulo iran kua na ne uwa miẹn ehe na larọ.

Iwinna 18:10

rhunmwuda, I rrọọ yaba ruẹ. Ọmwa ne ọ gha sẹtin ruẹ emwi rhọkpa ẹ i rrọọ, rhunmwuda emwa ni re ọghomwẹ bun vbe ẹvbo na.”

Diuteronomi 12:20

“E Nọyaẹnmwa ghẹ ghi fian ba otọ uwa nẹ zẹ vbene ọ khare ighẹ rẹn gha ru ẹe, wa sẹtin rri emiowo vbe ne ọ rhirhi khọn uwa.

Diuteronomi 16:16

“Ikpia ẹvbo ruẹ hia, igba eha vbe ukpo ọ re iran gha yo ihọkpa nii ne a na ga ẹe ya gha ga e Nọyaẹnmwa, ena ọ re Alagberra, Emwiukpo Akọrhọre kevbe Emwiukpo Irhu. Dọmwadẹ ọghe ọe ghi rhie ọhẹ gha dee.

Diuteronomi 19:8

“Deghẹ Nọyaẹnmwa Osanobua rua ghi vbe mu otọe uwa ne uwa zẹ vbe ne ọ yan ma avbe erha uwa odede, ọ na mu otọe ne ọ yan yi hia ne uwa.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.