Ẹksọdọs 34:15 - Edo Bible (E Baibol Ẹdo) Version 1996

¹⁵ Ghẹ gu emwa ẹvbo nii ru emwamwa emwi, iran gha ru ẹbọ iran, iran na zọ ese ghe iran, iran sẹtin rẹrẹ uẹ ya uwẹ rri evbare ne iran ya zọ ese ghe ẹbọ iran.

Ẹksọdọs 34:15 ပူးပေါင်းရင်းမြစ်များ

I Krọnikol 5:25

Sokpan, avbe emwa na ma guobọ Osanobua avbe erha iran odede, iran keghi hẹe ye otọ ya gha ghoo ẹbọ emwa ne Osanobua khulo hin otọe nii rre.

Ẹzra 6:9

Emwi ne avbe ohẹn a rhirhi kha ma ruẹn vbe Jerusalẹm wẹ iran gualọ, u ghi gha viọ ẹre ne iran ẹdẹgbegbe, vbe nẹ ẹ i na baeku: avbe ivbi ẹkhuia ẹmila, ohuan, oteghe ohuan, ne a ra giẹn uan ya zọ ese ghe Osanobua, ra avbe ọka, umwẹ ayọn ra ofigbọn oliv.

Ẹzra 9:12

Iran tama mwa wẹ ne a ghẹ rhie iran rọnmwẹ ra ne a yi iran obọ vbe emwi aruọma, a deghẹ ma ho ne a yin otọ nii ne a vbe mu ne emọ ẹdẹdẹmwẹdẹ.

Psalm 106:28

A ghi sẹ Peọ, emwa Osanobua keghi yegbe ba iran ni gho e Bal, iran keghi vbe re vbe emwi ne a ya zọ ese ghe amazẹ ne ẹ i mwẹ arrọọ.

Psalm 73:27

Ẹ i mwẹ iran ni he uwẹ ye otọ ma fuẹn uan, wẹ gha fuẹn iran an ighe emwa ni ma guobọ ruẹ.

Ẹksọdọs 22:19

“Omwa gha gu aranmwẹ oha ru emwi, a ghi gbe ọmwa nii uan.

Ẹksọdọs 22:20

“Omwa gha zọ ese ghe osa ọvbehe vbe ọ gberra ne Nọyaẹnmwa wa ghi gbe ẹe rua.

Ẹksọdọs 23:32

Wa ghẹ gu iran, ra ẹbọ iran mu obọ vbe emwikemwi.

Ẹksọdọs 32:8

Iran wa lahin odẹ ne I yi ẹre iyi ne iran gha lele. Iran ya igoru ne a ranran ẹn ma ẹkhuia ne egbe iran, iran gha ga ẹe, iran gha vbe zẹ ese ghe ẹre. Iran keghi kha wẹẹ, ‘Ọnii ọrọre Osanobua iran ne ọ viọ iran ke otọ Igipt ladian.’ ”

Ẹksọdọs 34:10

E Nọyaẹnmwa keghi kha wẹẹ, “I gu uwa ta ile vbe sirra emwa uwa hia fẹẹrẹ. I gha winna iwinna nekhua egbe ne a ma he ka winna yi vbe agbọn na hia vbe ẹvboikẹvbo. Emwa ni guẹ rrọọ gha vbe miẹn emwi ne imẹ ne Nọyaẹnmwa gha sẹtin ru rhunmwuda emwi nọkhua ọre I ra ru nuẹn.

Ẹksọdọs 34:12

Gie a miẹn wẹ u ma gu emwa ẹvbo ni rre ehe ne u rrie ru emwamwa kugbe rhunmwuda ọna sẹtin gbe uẹ uhunmwu.

Jerimaia 3:9

ekhue ma vbe mu ẹẹn hiehiere. Ọ ru otọ awua, ọ keghi ghẹ vbekpa ne ọ na gha gho avbe okuta kevbe erhan.

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Hozia 9:1

Wa ne ivbi Izrẹl, wa dobọ ne uwa na ru emwi ukpo uwa zẹ vbe emwa ni ga ẹbọ yi, wa fi iyeke gbe Osanobua uwa nẹ, ekhọe uwa ma vbe lelẹe. Ehe ne otọe nii sẹe ehe ne ọ rhanmwẹ, ọ re uwa na khiẹnnẹ egbe uwa ne Baal zẹ vbe ebabotu, avbe ọka ne uwa ro ighe rẹn ọ re ọ ya ẹe ha uwa osa keghi yẹ uwa.

Levitikọs 17:7

Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ.

Nọmbas 15:39

Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho.

Nọmbas 25:1

Ivbi Izrẹl ghi bu agọ ye Ehanhan Akesia, ikpia ni rrọ kegha gu avbe ikhuo e Moab ni rre evba ru emwi.

Nọmbas 25:2

Avbe ikhuo na keghi wẹ ne avbe ikpia na do tuẹ iran vbe emwiukpo izọese, ehe ne iran na gho ẹbọ Moab. Avbe ivbi Izrẹl keghi rri evbare nii, iran na vbe ga nene ẹbọ,

Iwinna 15:20

Emwi ne a gha ru ọrọre wẹ ne a gbẹn ebe gie iran we ne iran ghẹ rri evbare ne ọ ma huan, rhunmwuda ighẹ a yae ru ẹbọ, ne iran gha bi egbe ne alama oghẹ, ne iran ghẹ rrie aranmwẹ ne a ye obobọ kuẹn gbe ua ra esagiẹn.

I Kọrinti 10:27

Deghẹ ọmwa ne ọma yayi tie ruẹ ne u do gu ẹe rri evbare, u na wẹ u gha yo, emwi ne ọ rhirhi mu ye otọ vbe odaro ruẹ, rri ọe vbe ne a i na vbe nọ ọta, rhunmwuda osẹe ekhọe.

I Kọrinti 8:10

Rhunmwuda, a deghẹ ọmwa ne ekhọe ẹre ma wegbe vbe ekpa ẹmwẹ na, miẹn uwẹ, ne ọ mwẹ “irẹnmwi” vbe u rri evbare vbe aro ẹbọ, ẹ i re te ọnii gha rhie ẹtin ne irẹn ya gha rri evbare ẹbọ?

I Kọrinti 8:4

Vbe ekpa ọghe wẹ deghẹ ọ kere ne a gha rri emwi ne a ya ru ẹbọ, ma rẹnrẹn wẹ, emwi ne ẹbọ mudia ye ihe ẹre keghi re emwi ne ẹ i zẹdẹ rrọọ hiehiere. Ma rẹnrẹn wẹ, Osanobua ọkpa kẹkan ọre ọ rrọọ.

I Kọrinti 8:7

Sokpan ẹ i re emwa hia ọre ọ rẹn ẹmwata na. Ẹmwẹ ẹbọ gu uwa eso obọ ro sẹrriọ wẹ, do sẹ ẹdẹnẹrẹ na, iran gha rri egbe evbare vberriọ, emwi ne ọ re ọghe ẹbọ ọre iran ye ka ẹe yi, ekhọe iran ma wegbe, iran ghi gha ro ighẹ evbare awua ọre iran re.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Diuteronomi 31:18

I ghi vbe he ne I yi iran obọ, rhunmwuda, iran ru emwi dan, iran na ya gha ga ẹbọ ọvbehe.

Diuteronomi 32:37

Ẹghẹ nii, e Nọyaẹnmwa gha nọ emwa rẹn wẹẹ, ‘Avbe ẹbọ nekhua ne uwa mu ẹtin yan vbo?

Diuteronomi 32:38

Wa ya ẹvbi emwi izọ ese rua ghọe iran, wa na vbe mu ayọn ne iran da, wa we ne iran do ye uwa obọ nian, gie iran do rhulẹ miẹn uwa fan.

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.

Diuteronomi 7:3

Wa ghẹ rhie ivbi iran rọnmwẹ ra ne ivbi uwa vbe rọnmwẹ iran.

Jọsua 23:12

A deghẹ wa ghi werriegbe wa na ya ke egbe uwa ba avbe ẹvbo nii ne a sẹrae ye uwu ẹbu uwa, wa na ya gha rọnmwẹ egbe.

Arhie Maan 2:20

Sokpan ẹzọ ruẹ ne I gui ọre ọna khin wẹ, u keghi rhie otọ ne khuo ni ighẹ Jezibẹl, ọmwa ne ọ tie egbe ẹre ukọ Osanobua. Rẹn gha ma avbe emwa ẹre, ọ ghi vbe gha silo iran fi uwu alama oghẹ kevbe ne iran gha rri evbare ne a ya ru ẹbọ.

Giọgis 2:17

Sokpan, iran ma zẹye avbe ọkaolotu na ẹre. Iran ma rhie ekhọe lele Nọyaẹnmwa, iran na ya gha gho avbe ẹbọ ọvbehe. Avbe erha iran te lele uhi e Nọyaẹnmwa, sokpan orre na ke wa dobọ ẹre yi vbe ọ ma ghi kpẹe.

Giọgis 3:6

Iran keghi gba gha viọ ivbi egbe rọnmwẹ, iran kevbe gha gho ẹbọ iran.