Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ẹksọdọs 34:13 - Edo Bible (E Baibol Ẹdo) Version 1996

13 Ye ihe ọnii, u ghi rẹnkhẹn aka iran an, u ghi guọghọ okuta iruemwi iran an, u ghi tọnnọ erhan iruemwi ẹbọ ne okhuo iran ighẹ Asiẹrra kua.

အခန်းကိုကြည့်ပါ။ ကော်ပီ




Ẹksọdọs 34:13
25 ပူးပေါင်းရင်းမြစ်များ  

E Nọyaẹnmwa gha rria Izrẹl ikhi. Ọ ghi gha mian gbẹghẹgbẹghẹ zẹ vbe ovbi erhan ne ọ zọ ye uwu ẹzẹ. Ọ gha silo ivbi Izrẹl vbọlọ hin otọe esiesi na ne ọ mu ne avbe erha iran odede. Ọ ghi zagha iran kua gberra Ẹzẹ Yufretes, rhunmwuda, iran gua izohu ẹre kpao vbekpa ne iran na ma amazẹ Asiẹrra ne ẹbọ ne okhuo.


Ẹre iran na dunmwu ukhurhẹ kevbe nene aro ẹbọ, iran na ye aro ẹbọ nii khian owa isan, erriọ ọ ye ye do sẹ ẹdẹnẹrẹ na.


Ọ keghi guọghọ avbe ehe ne iran ni ga ẹbọ na gho ẹbọ iran, ọ keghi guọghọ orre okuta ni rrọọ ọ na vbe dunmwu amazẹ Asiẹrra ne ẹbọ ne okhuo sẹ otọ. Ọ kevbe guọghọe rua ighẹ ẹyẹn ne Mosis ya oze ru, ne iran gha tie ẹre Nehustan. Do sẹ ẹghẹ ne a kha na, te ivbi Izrẹl ye gha giẹn eturari vbe ya ya ọghọ ne ẹẹn.


E Josaia ne ọba keghi rẹnkhẹn orre okuta ne ọ rrọ, ọ na giagia amazẹ Asiẹrra ne ẹbọ ne okhuo, ọ na he ugboloko ọmwa vuọn ehe ne a te mu iran yi.


Ọ keghi suẹ iran kua ighẹ avbe Ogiukpo ẹbọ ẹrrẹe kevbe avbe ehe ne iran nigẹbọ na ga, ọ na dunmwu avbe orrẹ ne a na ru ẹbo sẹ otọ, avbe amazẹ ne a ya gho Asiẹrra ne ẹbọ ne okhuo, ọ keghi dunmwu ehia a.


Asa ne ọba keghi rhie iye irẹn ighẹ Maaka hin ukpo iye ọba rre rhunmwuda, ọ keghi ma amazẹ osọnnọ ọghe ẹbọ ne okhuo ne a tie ẹre Asiẹrra. Asa keghi suẹ amazẹ nii sẹ otọ, ọ na giagia rua, ọ na ya giẹn ọnrẹn vbe Iya Kidrọn.


Rẹn ke wa gha ya oyaya ga e Nọyaẹnmwa, ọ na dunmwu ehe ne avbe aro ẹbọ enigẹbọ kua, ke vbe amazẹ Asiẹrra ne ẹbọ nokhuo vbe Juda.


Rhunmwuda ọnii, emwa ni keghi dobọ ugamwẹ ne a ru vbe Ọgua Osa e Nọyaẹnmwa ne Osanobua avbe erha iran odede yi, iran keghi suẹn gha ga ẹbọ kevbe amazẹ Asiẹrra ne ẹbọ ne okhuo. Orukhọ ne iran ru keghi tie ohu e Nọyaẹnmwa ye Juda kevbe Jerusalẹm uhunmwu.


Iran ghi ru emwiukpo na nẹ, ivbi Izrẹl hia keghi khian lele ore ẹvbo ni rre Juda hia, iran keghi ya guọghọ orre okuta ni rrọ kua, iran keghi siẹn ama Asiẹrra ne ẹbọ ne okhuo sẹ otọ, iran keghi dunmwu avbe Ogiukpo kevbe aro ẹbọ iran ni ga ẹbọ hia a. Iran keghi vbe ru ẹe vberriọ vbe ehe ni dekẹe vbe Juda, kevbe otọe Bẹnjamin, Ifreim kevbe Manasẹ, iyeke ọnii, iran hia kegha die owa.


Erhunmwu ne ọba naẹn, kevbe ewanniẹn ne Osanobua rhie yọ, okha ọghe avbe orukhọ ne ọ ru ọ ke fiwerriẹ — avbe emwi dan ne ọ ru, avbe aro ẹbọ kevbe amazẹ ọghe Asiẹrra ne ẹbọ ne okhuo ne ọ mannọẹn, kevbe avbe amazẹ ne ọ gha ye uhunmwu rhanmwẹ otọ na, a gbẹnnẹ ehia ye Okha Avbe Akhasẹ.


Wa ghẹ ya uhunmwu rhanmwẹ otọ ne ẹbọ iran, wa ghẹ vbe ga iran. Wẹ ghẹ gho emwi ne avbe emwa nii gho wa ghi fuẹn avbe ẹbọ iran an fẹẹrẹ, wa ghi wa dunmwu okuta ẹbọ iran an.


Iran i ghi ra dọlegbe mu ẹtin yan avbe Ogiukpo ne iran ya obọ iran ma, ra ne iran mu ẹtin yan iwinna obọ iran, avbe amazẹ ọghe Asiẹrra ne ẹbọ nokhuo kevbe avbe Ogiukpo ne a na giẹn eturari.


Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.


Ehe ne avbe Ogiukpo ye ọ re avbe emwa na ga, kevbe ne a mu gbọ ne Asiẹrra ne ẹbọ ne okhuo, vbe ehe ne erhan ne ọ mwẹ ebe ye, kevbe uhunmwu oke negiẹrẹ.


I gha guọghọ ehia sẹ otọ ighe amazẹ Asiẹrra ne ẹbọ ne okhuo vbe otọe uwa hia, I ghi vbe dunmwu ẹvbo uwa hia a.


wa ghẹ mwẹ wa ma khulo emwa ni rre otọe nii hia hinrre. Wa ghi dunmwu amazẹ iran ne a ya okuta ra ematọn ru ruan, deba ehe ne iran na ga hia.


“Wa gha gba aka ne Nọyaẹnmwa Osanobua rua, wa ghẹ vbe ba erhan ye ọkpẹn evba ne Asiẹrra ne ẹbọ nokhuo.


Wa ghẹ vbe kẹ orre iruẹbọ, te iran sọnnọ e Nọyaẹnmwa.


Vbene uwa gha ru iran na hẹ ọ re ọ na khin. Wa siẹn aka iran hia sẹ otọ, wa bunnọ orre okuta iruẹbọ iran ukhiọnmwẹ. wa giagia erhan iruẹbọ ne iran baba lele otọ kua, ne uwa vbe giẹn amazẹ iran an ighẹ Asiẹrra.


Wa ghẹ gu emwa otọ na ta ile rhọkpa, wa guọghọ aka iran sotọ.’ Sokpan wa ma he ru vbene I tama uwa. Iyeke ẹre ọ re uwa ghi ru ye ihe ẹre.


E Nọyaẹnmwa keghi tama e Gidiọn vbe asọn ni wẹẹ, “Mu ẹkhuia ẹmila erha a kevbe ẹkhuia ọvbehe ne ọ he rre ukpo ihinrọn, guọghọ aka ne erha a gbe ne Bal sotọ ne u vbe giagia ọkpọ Asiẹrra ne ẹbọ nokhuo nii diake ẹe kua.


U ghi bọ aka esiesi yan ehe ne a guọghọ ena yi ne Nọyaẹnmwa Osanobua ruẹ. U ghi mu ẹkhuia ne ogieva nii, u ghi giẹn ọnrẹn uan zẹ vbe emwi izọ ese ke ẹe kevbe ọkpọ ne a giagia kua nii.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ