Ẹksọdọs 34:1 - Edo Bible (E Baibol Ẹdo) Version 1996

¹ E Nọyaẹnmwa keghi tama e Mosis wẹẹ, “Ka Uhanhan okuta eva ni ye vbe nokaro nii, I gha vbe gbẹnnẹ avbe ẹmwẹ ni rre avbe uhanhan ne okaro ne u guọghọ ua yọ.

Ẹksọdọs 34:1 ပူးပေါင်းရင်းမြစ်များ

Psalm 119:89

Ẹmwẹ ruẹn gha rrọọ ẹdẹdẹmwẹdẹ Nọyaẹnmwa; etẹbitẹ nọ vbe ẹrinmwi.

Ẹksọdọs 24:12

E Nọyaẹnmwa keghi tama e Mosis wẹẹ, “Hin odukhunmwu oke bu mwẹ gha dee ne u do mudia mwa. Mẹ gha viọ uhanhan okuta eva ne avbe iyi kevbe uhi nii ye nuẹn, emwi ne imẹ gbẹnnẹ ne a ya gha ma avbe emwa na emwi.”

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 32:16

Iwinna Osanobua ọre iran khin. Emwi ne a gbẹnnẹ yọ, emwi ne Osanobua gbẹnnẹ nọ, ne a ka e ye avbe uhanhan nii.

Ẹksọdọs 32:19

E Mosis ghi sikẹ ọkpẹn agọ nii sẹ ne ọ na sẹtin bẹghe ovbi ẹkhuia ẹmila nii kevbe avbe emwa nii vbe iran ku, ohu keghi muẹn ẹsẹsẹmwẹse, ọ na filo avbe uhanhan ne ọ viọ mwẹ obọ kua, ọ na guọghọẹe rua ye ototọ oke nii.

Ẹksọdọs 34:28

E Mosis keghi gu e Nọyaẹnmwa gha rre evba vbe asọn iyeva kevbe avan iyeva vbe ne ọ ma na re ọ ma da. Ọ keghi gbẹnnẹ avbe ẹmwẹ ile nii ye avbe uhanhan nii, ọnii nọ wẹ uhi igbe.

Ẹksọdọs 34:4

Ẹre Mosis na do kae uhanhan okuta eva zẹ vbe nokaro nii, ọ ghi sẹ owiẹ ẹdẹ ne ọ lele ẹe, ọ keghi viọ iran hin uhunmwu oke Sainai zẹ vbene Nọyaẹnmwa tama rẹn, ọ keghi viọ uhanhan okuta eva nii mwẹ obọ.

Jerimaia 36:32

Ẹre I na dọlegbe rhie ebe ohian ọvbehe, I na rhie ẹre ne Barọk ne ọgbenbe mwẹ. Ọ keghi gbẹnnẹ emwi ne I talọ ma rẹn ne ọ gbẹnnẹ yotọ. Ọ keghi gbẹnnẹ emwi hia ne ọ gha rre ebe n okaro kevbe avbe uhunmwu ọvbehe ne I vbe talọ ma rẹn ne ọ gbẹnnẹ.

Diuteronomi 4:13

Ọ tama uwa emwi ne uwa gha ru ne uwa na rhie ẹre mwẹ ighẹ ile ne ọ gu uwa ta; wa ghi vbe gha ya uhi ẹre igbigbe ne ọ gbẹnnẹ ye uhanhan okuta eva ne uwa, ru emwi.