Ẹksọdọs 33:9 - Edo Bible (E Baibol Ẹdo) Version 1996

⁹ E Mosis gha ghi la uwu Owa Ukpọn nii nẹ, orre okuku ghi do mudia ye onurho Owa Ukpọn nii. E Nọyaẹnmwa ghi gha ke uwu orre okuku gu e Mosis guan.

Ẹksọdọs 33:9 ပူးပေါင်းရင်းမြစ်များ

Gẹnẹsis 17:22

Osanobua ghi gu Ebraham guan nẹ, Ọ na sọrae.

Gẹnẹsis 18:33

Ugbẹn vbe ọ ghi gu Ebraham guan fo nẹ, e Nọyaẹnmwa keghi kpao, ọre Ebraham na gha rrie owa.

Psalm 99:7

Ọ keghi ke orre okuku gu iran guan, iran kegha ya uhi kevbe emwamwa, ne ọ viọ ye iran otọ ru emwi.

Ẹksọdọs 25:22

Evba I gha na do gha miẹn ruẹn, I gha vbe mudia ye ugue Ẹkpẹti ne, I do rhie uhi mwẹ hia ne uwa ke adesẹneva emwi nii nẹ ifuẹn nii gha dee, gie ivbi Izrẹl.

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 33:10

Emwa hia ghẹ ghi miẹn orre okuku nii vbe onurho Owa Ukpọn, iran ghi kpaegbe mudia, dọmwadẹ ọghọe ghi vbokho egbe rri otọ vbe onurho Owa Ukpọn ọghọe.

Ẹksọdọs 33:11

E Nọyaẹnmwa ghi gha gu e Mosis guan vbe ghe aro mwẹ ghe aro ruẹ zẹ vbene ọmwa gu ọsiọre guan. E Mosis ghi dọlegbe gha die agọ, sokpan igbama ne ọre ọguọmwadia ẹre, e Jọsua ne ovbi e Nọn, i kpa vbe Owa Ukpọn nii rre.

Ẹksọdọs 33:8

Ẹghẹikẹghẹ ne Mosis ya ladian gha rrie Owa Ukpọn nii, emwa hia ghi kpaegbe mudia, dọmwadẹ ọghọe ghi mudia ye onurho Owa Ukpọn ọghọe gha ghe Mosis ọ te do la uwu Owa Ukpọn nii.

Ẹksọdọs 34:3

Ghẹ gie ọmwarhọkpa lele uẹ gha dee, ghẹ gie a miẹn ọmwarhọkpa vbe ehe rhọkpa vbe oke nii, a ghẹ gie ohuan ra ẹmila vbe gha rri irunmwu vbe ọkpẹn oke nii.”

Ẹksọdọs 34:5

E Nọyaẹnmwa keghi nana okuku tuorre, ọ keghi mudia vbe evba, ọ keghi sunu ye eni irẹn Ne ọ huanrẹn, e Nọyaẹnmwa.

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Ezikiẹl 3:22

I keghi wa gha hẹnmwẹ ẹtin nọkhua ọghe Nọyaẹnmwa vbe egbe, I keghi họn vbe ọ tama mwẹ wẹẹ, “Kpaegbe ne u ladian gha rrie uwu iya, I gha guẹ guan vbe evba.”

Nọmbas 11:17

I gha tuorre do guẹ guan vbe evba, I gha rhie vbe orhiọn ne I rhie ne uwẹ nẹ, I ghi rhie ne iran. Ẹghẹ nii iran ghi gha ru iyobọ ne uẹn ya gha gbe aro ghe avbe emwa na, ne ọ ghẹ ghi gha re wẹ wẹ ọkpa ọ re ọ mu uhunmwu da ẹre.”

Nọmbas 7:89

Ẹghẹikẹghẹ ne Mosis ya la uwu Owa Ukpọn Ile nii, ne ọ ya gu e Nọyaẹnmwa guan, ọ ghi họn vbe Nọyaẹnmwa a gha gu ẹe guan ke odukhunmwu ugue Ẹkpẹti Ile, ne ọ rre adesẹneva aranmwẹ eva ni zẹ ifuẹn.

Diuteronomi 31:14

Ẹre Nọyaẹnmwa na tama Mosis wẹẹ, “Ẹghẹ ne u ra ya vbe agbọn ma ghi mobọ tan. Tie Jọsua ne u rhie ẹre gha die uwu Owa Ukpọn, ne I miẹn ehe na vbe ta ẹmwẹ ọghe ọe ma rẹn.” Ẹre Mosis kevbe Jọsua na la uwu Owa Ukpọn,

Diuteronomi 31:15

e Nọyaẹnmwa keghi rhie egbe ma rẹn vbe evba zẹ vbe orre okuku amẹ ne ọ mudia ye onurho Owa Ukpọn nii.